- Bosh sahifa
- Maslahatchi minbari
- GULLARGA BURKANGAN NAMANGAN YOXUD AXSIKENT BUYUK TARIXIMIZ KO'ZGUSI
GULLARGA BURKANGAN NAMANGAN YOXUD AXSIKENT BUYUK TARIXIMIZ KO'ZGUSI
GULLARGA BURKANGAN NAMANGAN YOXUD AXSIKENT BUYUK
TARIXIMIZ KO'ZGUSI
Joriy yilning may oyida Monopoliyaga qarshi kurashish
qo'mitasi va Iste'molchilar huquqlarini himoya qilish agentligining bir guruh
xodimlari Namangan shahrining ziyorat va turistik maskanlariga sayohatga
uyushtirishdi.
Qo'mita xodimlarining sayohati Namanganning qadimiy maskanlari bo'lmish Mavlono Lutfilloh nomli madaniyat va istirohat bog'idan boshlandi. So'nggi yillarda bu erda keng obodonlashtirish ishlari olib borilgan, xususan Mavlono Lutfilloh maqbarasi ta'mirlangan. Qo'mita xodimlari shuningdek, Bibiona ziyoratgohi, u erdagi bunyodkorlik ishlari bilan yaqindan tanishdi. So'ngra 3 ming yillik tarixga ega Axsikent arxeologik yodgorligi navbatdagi sayyohlik manzili bo'ldi. Davlatimiz rahbarining tashabbusi bilan bu erga qayta hayot bahsh etildi, ya'ni ochiq osmon ostidagi muzeyga aylantirilib, sayyohlar uchun qulayliklar yaratildi.
Qo'mita xodimlari muzeydagi yodgorliklar,
ajdodlarimizning zakovati mahsuli bo'lmish buyumlar bilan tanishdi. Axsikent
eramizdan avvalgi III asrda tashkil topgan bo'lib, qadimgi Farg'ona davlatining
poytaxti, Buyuk ipak yo'lining asosiy shaharlaridan biri bo'lgan. Tarixiy
manbalarda, xususan, “Boburnoma”da bu kentning alohida ahamiyati haqida ko'p
yozilgan. Qadimdan bu erda er osti suv inshooti bo'lgani bois mudofaa uchun
qulay sanalgan.
Shahar Ark, ichki va tashqi shahardan iborat bo'lgan.
Bu erda o'z davrida shishasozlik, kulolchilik, temirchilik, qurolsozlik kabi
hunarmandlik turlari rivojlangan. 1620 yillarga kelib zilzila oqibatida ulkan
shahar vayron bo'lgan.
Bugungi kunda xarobalarning 60 gektarga yaqin qismi
saqlanib qolgan bo'lib, Farg'ona vodiysidagi eng katta arxeologik yodgorlikdir.
Arxeologlar tomonidan temirchilar ustaxonasi, X-XIII asrlarga oid hammom
qoldiqlari, askarlar xonalari, jome' masjidi, mudofaa devorlari, er osti
irrigatsiya tarmoqlari, hunarmandlar mahallasi, hukmdor qarorgohi – Ark qazib
o'rganilgan.
Mazkur yodgorlik Namangan viloyatining sayyohlik
salohiyatini oshirishda muhim ahamiyatga ega. Yurtimiz va xorijdagi sayyohlik
ko'rgazmalarida qadimiy Axsikent haqida ham taqdimotlar o'tkazilmoqda. Buning
samarasida mahalliy va xorijiy sayyohlar o'rtasida tarixiy yodgorlikka qiziqish
ortmoqda. Hozirga qadar Bel`giya, Avstriya, Yaponiya, Janubiy Koreya, Rossiya,
eron, Pokiston, Hindiston kabi davlatlardan sayyohlar tashrif buyurgan.
Yaqinda Namangan shahrida an'anaviy tarzda
o'tkaziladigan Xalqaro “Gullar festivali” bo'lib o'tdi. Gullar shahri Namangan
anvoyi gullarga burkandi. Ushbu ajoyib manzarani tomosha qilish, undan zavq
olish uchun mamlakatimizning turli hududlaridan va xorijdan mehmonlar tashrif
buyurdi. Monopoliyaga qarshi kurashish qo'mitasi xodimlari ham “Gullar
festivali” tadbirlarida ishtirok etishdi.
Go‘zal QODIROVA,
Monopoliyaga qarshi kurashish qo'mitasi raisining
maslahatchisi