- Bosh sahifa
- Maslahatchi minbari
- Shahar ko‘chalari bo‘ylab o‘rganish ishlari davom etmoqda…
Shahar ko‘chalari bo‘ylab o‘rganish ishlari davom etmoqda…
Tashqi
reklamalar, ko‘chadagi yozuvlar barcha kishilarga dars beradi, yo‘l ko‘rsatadi,
madaniyat va maʼnaviyatni ifodalovchi vosita bo‘lib xizmat qiladi.
O‘zbekiston
Respublikasining “Davlat tili to‘g‘risida”gi, “Reklama to‘g‘risida”gi qonunlari
ijrosini taʼminlash hamda Vazirlar Mahkamasining “Tashqi reklama bozorini
tartibga solish to‘g‘risida”gi qarori talablari doirasida Qarshi shahrida bir
qator ishlar amalga oshirilmoqda.
Viloyat hokimining maʼnaviy-maʼrifiy ishlar samaradorligini oshirish va davlati tili to‘g‘risidagi qonun ijrosini taʼminlash masalalar bo‘yicha maslahatchisi Ziyoda Aminova, Qarshi shahar hokimining maʼnaviy-maʼrifiy ishlar samaradorligini oshirish va davlati tili to‘g‘risidagi qonun ijrosini taʼminlash masalalari bo‘yicha maslahatchisi Orasta Tosheva, shuningdek, sohaga daxldor tashkilot masʼullaridan iborat ishchi guruh tomonidan Qarshi shahri ko‘chalari bo‘ylab targ‘ibot ishlari olib borildi. Hudud bo‘ylab o‘rnatilgan bannerlarning til qoidalariga amal qilinishi, berilgan nomlarning mantiqan to‘g‘riligi va joyga mosligi bo‘yicha qator ishlar amalga oshirilmoqda. Navbatdagi o‘rganish va targ‘ibot tadbiri Qarshi shahridagi Nasaf ko‘chasida bo‘lib o‘tdi.
Tadbirkorlik
subyektlarining ayni bu boradagi maʼlumot va bilimlarini oshirish, sohaga oid
huquqiy hujjatlarning ijrosini taʼminlash kun tartibining dolzarb masalasi
bo‘lmoqda.
Ilm-fan,
texnika shiddat bilan rivojlanayotgan davrda tilimiz sofligini saqlash,
joylarga nom tanlashda maʼnaviyatimiz hamda urf-odat, an’anamizga mos ravishda o‘zbekcha
nomlar tanlash, turli sohalar orqali tilimizga kirib kelayotgan yangi
atamalarning o‘zbekcha muqobillarini yaratish dolzarb vazifalardandir.
Xulosa
o‘rnida shuni taʼkidlash joizki, ijtimoiy hayotimizda davlat tili, maʼnaviy
qadriyatlarimiz bilan bog‘liq muammolarni hal qilishda barchamiz birdek
masʼulmiz.
Orasta
Tosheva, Qarshi shahar hokimi maslahatchisi