- Bosh sahifa
- Maslahatchi minbari
- “Farg‘onaazot” AJda sayyor seminar tashkil qilindi
“Farg‘onaazot” AJda sayyor seminar tashkil qilindi
“Farg‘onaazot” AJda
tashkillashtirilgan sayyor seminarning ikkinchi kunida tadbirga Vazirlar
Mahkamasining Ma’naviyat va davlat tilini rivojlantirish departamenti mudiri
o‘rinbosari Zafar Ro‘ziyev, Davlat tilida ish yuritish asoslarini o‘qitish va
malaka oshirish markazi direktori Inomjon Azimov hamda Vazirlar Mahkamasi
huzuridagi O‘zbek tilini rivojlantirish jamg‘armasi direktori Aziz Eminovlar
tashrif buyurishdi.
Dastlab mehmonlar “Farg‘onaazot” AJ faoliyati hamda korxonada tashkil
qilingan ma’naviyat xonalari bilan yaqindan tanishishdi. Shu bilan birga
ma’naviyat va davlat tilini rivojlantirish hamda davlat tilida ish yuritish yuzasidan
taqdimotlar o‘tkazildi.
Unda Zafar Ro‘ziyevning davlat tiliga oid qabul qilingan qonunchilik hujjatlari, , sohada amalga oshirilgan ishlar, kamchiliklar va ularni bartaraf etish choralari haqida ma’ruzasi tinglandi.
Shuningdek, seminar davomida 2019-2021-yillarda davlat tilini
rivojlantirish sohasida qabul qilingan qonunchilik hujjatlarining mazmun-mohiyati,
Vazirlar Mahkamasining “Lotin yozuviga asoslangan o‘zbek alifbosiga
bosqichma-bosqich to‘liq o‘tishni ta’minlash chora-tadbirlari to‘g‘risida”gi
qarori haqida batafsil tushuntirish berib o‘tildi.