- Bosh sahifa
- Maslahatchi minbari
- Millat oydinlari barhayot
Millat oydinlari barhayot
Oʻzbekiston Respublikasi Moliya vazirligida “Qatagʻon qurbonlari xotirasi” davlat muzeyi bilan hamkorlikda “Millat oydinlari barhayot” mavzusida uchrashuv tashkil etildi.
Tadbirni moliya vaziri maslahatchisi D.Boʻriyev kirish soʻzi bilan ochib, Jadidlarning keng qamrovli faoliyati, xususan, moliya-iqtisodiyot sohasini rivojlantirish uchun amalga oshirgan tarixiy harakatlari haqida toʻxtalib, ular tomonidan ilgari surilgan gʻoyalar bugun ham qadr-qimmatini yoʻqotmaganligini taʼkidlab oʻtdi.
Soʻzga
chiqqanlar tomonidan Jadidlarning millatimiz ravnaqi yoʻlida olib borgan
joʻshqin faoliyati va tarixiy jasorati tilga olindi.
Jumladan,
tarix fanlari doktori, professor B.Hasanov, tarix fanlari boʻyicha falsafa
doktori B.Irzayevlar maʼruzalarida jadidlar tomonidan fan- taʼlimni, pul-kredit
siyosatini zamonaviy asoslarda isloh qilish, ilgʻor xorijiy tajribani milliy
qonunchilikka singdirish borasida amalga oshirilgan tarixiy ishlar aniq misol
va dalillar bilan tahlil etildi.
Tadbirda jadidlar hayotiga
bagʻishlangan hujjatli film namoyish etildi.
Muqimiy nomidagi Oʻzbek davlat drama teatri aktyori R.Ibragimov tomonidan atoqli shoir Usmon Nosir spektaklidan ijro etilgan parcha tadbir ishtirokchilarida katta taassurot qoldirdi.
Tadbirda Moliya vazirligi markaziy
apparati, vazirlik huzuridagi tashkilotlar xodimlari ishtirok etib, hududiy
moliya tizimi tashkilot xodimlari Zoom orqali kuzatib borishdi.
“Qatagʻon qurbonlari xotirasi” davlat
muzeyi bilan hamkorlikda bu kabi tadbirlarni vazirlik tizimidagi tashkilotlarda
muntazam oʻtkazib borishga kelishib olindi.