- Bosh sahifa
- Maslahatchi minbari
- Asta-sekin saʼy-harakatlarimizning samarasini ko‘rmoqdamiz
Asta-sekin saʼy-harakatlarimizning samarasini ko‘rmoqdamiz
Ochig‘ini aytadigan bo‘lsam,
bugun tilga bo‘lgan munosabat barchamizni xursand qiladigan darajaga yetmoqda.
Vaholanki, o‘sha 1989-yil o‘zbek tili mavqeyi uchun ozmuncha kurashlar bo‘lganmidi?!
Asta-sekin bu saʼy-harakatlarimizning samarasini ko‘rmoqdamiz.
O‘zbekiston Respublikasi
Prezidenti Shavkat Mirziyoyev Birlashgan Millatlar Tashkiloti Bosh
Assambleyasining 75-sessiyasidagi o‘zbek tilida qilgan maʼruzasi O‘zbek xalqi
uchun ulkan bir tarixiy voqea bo‘ldi, desam mubolag‘a bo‘lmaydi. Ushbu
maʼruza butun o‘zbek xalqiga g‘urur va iftixor bag‘ishladi.
Ota-bobolarimizning ruhlari shod bo‘ldi desam, bu ham ayni haqiqat.
Hech kim o‘ylamagandiki, bizning
ona tilimiz xorijiy davlatlarda nufuzli anjumanlarda jarang sochadi deb.
Prezidentimiz Shavkat Mirziyoyev
2017-yil 23-dekabr kuni Alisher Navoiy nomidagi o‘zbek tili va adabiyoti
universitetiga tashrifi chog‘ida ziyolilarga qarata: “Ona tilimizning
boyligini, unga bo‘lgan hurmatingiz va muhabbatingizni tilimizni dunyoga
tarannum etish bilan ko‘rsatishingiz kerak”, degan edi. Prezidentimiz mana
shunday ulug‘vor ishga tayyor ekanligimizni ko‘rsatib, yana bir bor ona tiliga
bo‘lgan hurmatimiz, muhabbatimiz cheksizligini isbotlab berdi.
Yana bir sammitni eslatmoqchiman.
Prezidentimiz Hindiston safarida, “Jo‘shqin Gujarat” sammiti chog‘ida
o‘zbek tilida nutq so‘zlagan edilar. Ochig‘ini aytsam, men o‘zimni qo‘yarga joy
topa olmay qolgandim.
Bu – o‘zbek tilining dunyo sahnasiga chiqishi, ulug‘ jarayonning boshlanishi ekanligini o‘shandayoq sezgandim. Axir, xalqaro anjumanlarda har bir millat o‘z ona tilisida maʼruza qilsa-yu, biz nima uchun rus yoki boshqa chet tilida maʼruza qilishimiz kerak. Nima, o‘zbek tilining ulardan kam joyi bormi?
Navoiy viloyat hokimining maslahatchisi
Q.Astonov