- Bosh sahifa
- Maslahatchi minbari
- Munosabat: Davlat tilida ish yuritish qo‘llanmasi haqida
Munosabat: Davlat tilida ish yuritish qo‘llanmasi haqida
Xabaringiz bor,
o‘tgan yili Davlat tilini rivojlantirish departamenti tomonidan “Davlat tilida
ish yuritish” qo‘llanmasining to‘ldirilgan va takomillashtirilgan 9-nashri
qayta nashrdan chiqarildi. Tabiiyki bu ko‘pchilikni quvontirdi. Kitob
taqdimotidan so‘ng, departamentga “nima uchun kiril alifbosida chiqarildi?”,
“qo‘llanma kimlar uchun mo‘ljallangan axir?”, “yoshlar uchun qo‘llanma yo‘qmi?”
kabi ko‘plab baxs-munozarali savollar berildi.
Kuni kecha lotin alifbosiga asoslangan “Davlat tilida
ish yuritish” qo‘llanmasining 15 ming nusxadagi qayta nashri
chiqarildi. Barcha davlat va nodavlat muassasalarga bepul tarqatilmoqda. Bir
so‘z bilan aytganda departamentning mazkur qo‘llanmani chop ettirishdagi
saʼy-harakatlari maqtovga loyiq.
Qo‘llanma 5 turdagi hujjatlar ustida
ishlash bo‘yicha maʼlumot beradi.
1. Tashkiliy
hujjatlar;
2. Farmoyish hujjatlari;
3.
Maʼlumot-axborot hujjatlari;
4. Xizmat
yozishmalari;
5. Xodimlar
faoliyatiga doir hujjatlar.
Qo‘llanma xodimlar uchun qaysidir maʼnoda
maslahatchi-yordamchi vazifasini bajaradi. Masalan, men qo‘llanma bilan
tanishish asnosida ko‘p yillardan beri “bildirish” yoki “bildirishnoma” hujjat
turini “bildirgi” ko‘rinishida yozardim. Menimcha ko‘pchilik
ham shunday ifodalar edi. Lekin, bugun tashkilotimizda “bildirgi” ko‘rinishi “bildirishnoma”ga
o‘zgartirildi.
Shuningdek, qo‘llanmada avvallari uchratmagan “ilova
xat”, “tasdiq xat”, “eslatma xat”kabi hujjat
turlari bilan tanishdim. Bilmaganlarimni bilib oldim. Odatda biz, tasdiqlovchi,
eslatuvchi mazmundagi hujjatlarga doimgidek xat ko‘rinishida javob yo‘llaymiz.
Vaholanki, har bir murojaatning mazmuniga mas ravishda javob xatining turlari
bor ekan.
Xulosa o‘rnida aytishim mumkin. Qo‘llanma davlat tilini ish jarayonida keng qo‘llash, ommalashtirish uchun yordamchi vosita bo‘lib xizmat qiladi. Lekin, 15 ming nusxa maqsadimiz uchun kam. Buni yuz ming va undan ko‘p nusxada chop etish kerak, deb hisoblayman. Bepul emas, pullik asosda, kitobdan moddiy foydani o‘ylamagan holda, kitob do‘konlariga hamyonbop narxlarda tarqatish kerak.
Sh.Xolmatov,
Maslahatchi