- Bosh sahifa
- Maslahatchi minbari
- Agentlik "Qadring baland bo‘lsin, ona tilim!" tanlovida qatnashadi...
Agentlik "Qadring baland bo‘lsin, ona tilim!" tanlovida qatnashadi...
Agentlikda Maʼnaviyat va maʼrifat Kengashi tashkil etildi.
O‘zbekiston Respublikasi Prezidentining 2021-yil 26-martdagi
“Maʼnaviy-maʼrifiy ishlar tizimini tubdan takomillashtirish chora-tadbirlari
to‘g‘risida”gi PQ-5040-son qarori, O‘zbekiston Respublikasi Prezidenti
Sh.M.Mirziyoyev rahbarligida “Maʼnaviy-maʼrifiy ishlar tizimini tubdan
takomillashtirish, bu borada davlat va jamoat tashkilotlarining hamkorligini
kuchaytirish chora-tadbirlari to‘g‘risida” 2021-yil 19-yanvar kuni Respublika
Maʼnaviyat va maʼrifat kengashining videoselektor tarzida o‘tkazilgan majlisida
belgilab berilgan vazifalar ijrosini taʼminlash maqsadida “O‘zstandart”
agentligida Maʼnaviyat va maʼrifat Kengashi tashkil etildi va Kengashga
agentlikning Bosh direktori rais etib tayinlandi. Kengashning dastlabki majlisi
kun tartibidan Agentlik va uning tizimida olib boriladigan maʼnaviy-maʼrifiy
ishlar, O‘zbekiston mustaqilligining 30 yilligini munosib nishonlash, “Qadring baland bo‘lsin, ona tilim”
tanlovida qatnashish masalalari o‘rin oldi. Majlisda Agentlikda
maʼnaviy-maʼrifiy ishlarni tizimli tashkil etish va uning samaradorligini
oshirish maqsadida Agentlik va Respublika Maʼnaviyat va maʼrifat markazi
o‘rtasida “O‘zstandart” agentligi tizimida maʼnaviy-maʼrifiy ishlarning yangi
tizimini yaratish bo‘yicha 2021-yil uchun “Yo‘l xaritasi”
imzolanganligi haqida alohida qayd etildi.
Darhaqiqat,
bugungi kunda mamlakatimizda maʼnaviy-maʼrifiy ishlarni tizimli tashkil etish,
bu borada amalga oshirilayotgan chora-tadbirlarning samaradorligini oshirish, aholi, ayniqsa yoshlarning
intellektual salohiyati, ongu tafakkuri va dunyoqarashini yuksaltirish,
mafkuraviy immunitetini mustahkamlash, vatanparvarlik, xalqqa muhabbat va
sadoqat tuyg‘usi bilan yashaydigan barkamol avlodni tarbiyalashga alohida
eʼtibor qaratilmoqda. So‘nggi yillarda bu borada qator qarorlar qabul qilindi.
Zero, yuqorida nomlari qayd etilgan hujjatlarda ham aynan ushbu yo‘nalishni
yanada samarali rivojlantirishning ustuvor yo‘nalishlari belgilab berildi.
Majlisda
taʼkidlanganidek, O‘zbekiston Respublikasi Prezidenti Shavkat Mirziyoyev
raisligida 19-yanvar kuni
maʼnaviy-maʼrifiy ishlar tizimini tubdan takomillashtirish, bu borada davlat va
jamoat tashkilotlarining hamkorligini kuchaytirish masalalari bo‘yicha
o‘tkazilgan videoselektor yig‘ilishi maʼnaviy-maʼrifiy ishlarni sifat va mazmun
jihatidan yangi bosqichga ko‘tarish yo‘lidagi navbatdagi muhim qadam bo‘lgan
edi. Yig‘ilishda bugungi kunning dozarb masalalari muhokama qilanar ekan,
davlatimiz rahbari “Biz yangi O‘zbekistonni barpo etishga qaror qilgan ekanmiz,
ikkita mustahkam ustunga tayanamiz. Birinchisi – bozor tamoyillariga asoslangan
kuchli iqtisodiyot. Ikkinchisi – ajdodlarimizning boy merosi va milliy qadriyatlarga
asoslangan kuchli maʼnaviyat”, – deya taʼkidladi. Zero, ajdodlarimiz tomonidan
shu kunga qadar yaratilgan barcha maʼnaviy boyliklarimiz, muqaddas
qadriyatlarimizga hamda bu yorug‘ jahonda hech bir narsaga qiyoslab bo‘lmas
bebaho maʼnaviy merosimizga hurmat-eʼtiborni, sadoqat va muhabbat, g‘urur va
iftixor tuyg‘ularini qaror toptirish taʼlim-tarbiyaviy ishlarimizning ustuvor
yo‘nalishidir.
“Maʼnaviy-maʼrifiy ishlar tizimini tubdan
takomillashtirish chora-tadbirlari to‘g‘risida”gi Qaror bilan esa Davlatimiz
Rahbari maʼnaviy-maʼrifiy
ishlar tizimini tubdan takomillashtirishning ustuvor yo‘nalishlari sifatida bir qator masalalarni oldimizga vazifa qilib qo‘ydilar. Binobarin, ezgulik va insonparvarlik tamoyiliga asoslangan “Milliy tiklanishdan – milliy yuksalish
sari” g‘oyasini keng targ‘ib etish orqali jamiyatda sog‘lom dunyoqarash va bunyodkorlikni
umummilliy harakatga aylantirish; oila, taʼlim tashkilotlari va
mahallalarda maʼnaviy tarbiyaning uzviyligini
taʼminlash;
targ‘ibot-tashviqot va tarbiya yo‘nalishidagi ishlarni ilmiy
asosda tashkil etish, soha bo‘yicha ilmiy va uslubiy
tadqiqotlar samaradorligini oshirish, ijtimoiy-maʼnaviy muhit
barqarorligini mustahkamlashga qaratilgan doimiy monitoring tizimini joriy
qilish; el-yurt taqdiriga loqaydlik, mahalliychilik,
urug‘-aymoqchilik, korrupsiya, oilaviy qadriyatlarga bepisandlik va yoshlar tarbiyasiga masʼuliyatsizlik kabi illatlarga barham berishga
qaratilgan kompleks chora-tadbirlarni amalga oshirish; aholining Internet jahon
axborot tarmog‘idan foydalanish madaniyatini oshirish, g‘oyaviy va axborot xurujlariga qarshi mafkuraviy immunitetini
kuchaytirish; madaniyat, adabiyot, kino, teatr, musiqa va
sanʼatning barcha turlari, noshirlik-matbaa mahsulotlari, ommaviy axborot
vositalarida maʼnaviy-axloqiy mezonlar, milliy
va umuminsoniy qadriyatlarning ustuvorligiga erishish; geosiyosiy va mafkuraviy
jarayonlarni muntazam o‘rganish, terrorizm, ekstremizm, aqidaparastlik, odam savdosi, narkobiznes va boshqa xatarli tahdidlarga qarshi samarali
g‘oyaviykurash olib borish hamda bu borada xalqaro hamkorlik
aloqalarini rivojlantirish.
Darhaqqiqat, jahonda yuzaga kelayotgan
zamonaviy tahdidlar yoshlarning mafkuraviy immunitetini shakllantirish, ularni
ona Vatanimizga muhabbat va sadoqat ruhida kamol toptirishni taqozo etmoqda. Bu
borada Prezidentimizning “Maʼnaviy-maʼrifiy
ishlar samaradorligini oshirish bo‘yicha qo‘shimcha chora-tadbirlar
to‘g‘risida”gi qarori mamlakatimizda amalga oshirilayotgan siyosiy,
iqtisodiy, ijtimoiy, maʼnaviy-maʼrifiy islohotlarni keng jamoatchilikka
samarali yetkazishda, oila, mahalla, taʼlim muassasalari va mehnat jamoalarida
ijtimoiy-maʼnaviy muhitni sog‘lomlashtirish, maʼnaviy-maʼrifiy tarbiya va
targ‘ibot-tashviqot ishlarini tashkil etishda muhim turtki bo‘ldi.
Majlisda Agentlik tizimi xodimlari o‘rtasida
xizmat intizomi va qonuniylikni mustahkamlash, yoshlarni yuksak vatanparvarlik
ruhida kamol toptirish tizimda amalga oshirilayotgan izchil islohotlarning
asosiy mezoni ekanligini taʼkidlab, Vatanga muhabbat, kasbiga sadoqat,
fidoyilik, halollik, poklik singari fazilatlar har bir xodimning eʼtiqodiga
aylanishi lozimligini aytib o‘tildi.
Majlisda maʼnaviy-maʼrifiy sohada Agentlik va
uning tizim tashkilotlarida olib borilayotgan ishlar, o‘tkazilayotgan
tadbirlar, kitobxonlik madaniyatini oshirish yuzasidan amalga oshirilgan ishlar
va ularning samarasi haqida alohida so‘z yuritildi va “Maʼnaviyat xona”lari,
idoraviy kutubxonalar tashkil etish ishlarini yana-da jadallashtirish bo‘yicha
tizim tashkilotlari va filiallar rahbarlariga topshiriqlar berildi. Har oyning
birinchi seshanba kunini Agentlik va tizim tashkilotlari uchun “Maʼnaviyat
kuni” deb eʼlon qilinib, shu kuni taniqli olimlar, maʼnaviyat va madaniyat
namoyandalari, ibratli oilalar vakillari, iqtidorli yoshlar, Davlat mukofotlari
sovrindorlari bilan uchrashuvlar tashkil etib, ularning ibratli hayot yo‘llari
bo‘yicha davra suhbatlari o‘tkazish belgilab olindi.
Shuningdek, majlis kun tartibining asosiy
masalasi sifatida O‘zbekiston Respublikasi mustaqilligining 30 yilligini
munosib nishonlash bo‘yicha amalga oshirilayotgan va qilinadigan ishlar
muhokama qilindi, har bir masʼul va tizim tashkilotlari rahbarlari ushbu
yo‘nalishda aniq vazifalar belgilab berildi.
Majlisda Agentlik va uning tizim tashkilotlarida
davlat tilida ish yuritishni taʼminlash va lotin alifbosiga o‘tish bo‘yicha
amalga oshirilayotgan ishlar sarhisob qilinib, erishilgan natijalar asosida
O‘zbekiston Respublikasi Vazirlar Mahkamasi yig‘ilishining “O‘zbek tilini
targ‘ib qiluvchi izlanishlarni rag‘batlantirish va ommalashtirishga qaratilgan
"Qadring baland bo‘lsin, ona tilim!" tanlovida davlat boshqaruv
organlari “Davlat tilida ish yuritish yo‘lga qo‘yilgan eng yaxshi tizim”
yo‘nalishi bo‘yicha tanlovda Agentlikning ishtiroki etishi haqida qaror qabul
qilindi va ishtirok yuzasidan qilinadigan ishlar yuzasidan masʼullarga
vazifalar berildi.
Bundan tashqari, Agentlik va uning tizim
tashkilotlarida maʼnaviy-marifiy ishlar samaradorligini oshirish, “Davlat tili
to‘g‘risidagi”gi Qonun hujjatlariga rioya
etilishini taminlash masalalari bo‘yicha amalga oshirilayotgan ishlar ham
muhokama qilindi.
Kun
tartibidagi masalalar yuzasidan tegishli qarorlar qabul qilindi.
Naibaxon Mamadaliyeva,
Texnik
jihatdan tartibga solish
agentligi Bosh direktorining
maslahatchisi,
filologiya fanlari dokori, professor