- Bosh sahifa
- Maqolalar
- Davlat tilida ish yuritish sohasida kadrlar salohiyatini oshirish – davr talabi
Davlat tilida ish yuritish sohasida kadrlar salohiyatini oshirish – davr talabi
Respublikasi Moliya
vazirligi huzuridagi o‘quv markazda tashkil etilgan seminar-trening aynan
shunday nomlandi.
Tadbirni Moliya
vazirining ma’naviy-ma’rifiy ishlar samaradorligini oshirish, davlat tili
to‘g‘risidagi qonun hujjatlariga rioya etilishini ta’minlash masalalari
bo‘yicha maslahatchisi D.Bo‘riyev kirish so‘zi bilan ochib, vazirlik huzuridagi
tashkilotlar va hududiy moliya organlarida O‘zbekiston Respublikasi Prezidenti
Farmoni bilan tasdiqlangan “2020-2030-yillarda o‘zbek tilini rivojlantirish va
til siyosatini takomillashtirish konsepsiyasi” doirasida amalga oshirilayotgan
ishlar xususida ma’lumot berib o‘tdi.
Tadbirda
ta’kidlanganidek, vazirlik tizimida davlat tilini to‘laqonli joriy etish, ish
yuritish va hujjatlar aylanishini lotin yozuviga asoslangan o‘zbek alifbosida
bo‘lishini ta’minlash yuzasidan qator tadbirlar amalga oshirib kelinmoqda.
Bu borada Vazirlar
Mahkamasi huzuridagi Ma’naviyat va davlat tilini rivojlantirish departamenti
bilan yaqin hamkorlik o‘rnatilgan.
Departament tomonidan
vazirlikka «O‘zbek tilining izohli lug‘ati», «O‘zbek tili bank-moliya
terminlarining izohli lug‘ati», «Davlat tilida ish yuritish» kitobi va boshqa
zarur adabiyotlarning yetkazib berilishi til siyosatini amalga oshirishga
ijobiy ta’sir ko‘rsatmoqda.
Vazirlik rahbariyati
tomonidan nafaqat qonun talablariga rioya etilishini ta’minlash balki
xodimlarning so‘z boyligini oshirish, tilimizning betakror imkoniyatlari bilan
tanishtirib borish maqsadida taniqli shoir va yozuvchilar bilan uchrashuvlar
tashkil etilib, yangi nashr etilayotgan kitoblarning ko‘rgazmali savdolari
tashkil etilmoqda.
Shuningdek, tadbir
davomida O‘zbekiston Respublikasi Adliya vazirligining yetakchi
maslahatchi-mutaxassisi J.Toshev davlat organlari va tashkilotlarida me’yoriy -
huquqiy hujjatlarni qabul qilish, davlat tili haqidagi qonun hujjatlariga rioya
etilishini ta’minlash bo‘yicha o‘z tavsiyalarini berib o‘tdi.
Seminarda Alisher Navoiy
nomidagi Toshkent davlat o‘zbek tili va adabiyoti universitetining dotsenti,
pedagogika fanlari nomzodi T.Yusupova davlat tilida ish yuritishda imlo
qoidalari va ulardan foydalanish bo‘yicha amaliy mashg‘ulot o‘tkazdi.
Tadbirni Moliya
vazirligi markaziy apparati xodimlari, hududiy moliya organlari rahbarlari
videoaloqa yordamida kuzatib bordi va o‘zlarini qiziqtirgan savollarga javob
olishdi.
Z.Mirzaboyeva, O‘zA