- Bosh sahifa
- Maqolalar
- Majburiy ijro byurosida ish yuritish davlat tili toʻgʻrisidagi qonun talablari asosida amalga oshirilmoqda
Majburiy ijro byurosida ish yuritish davlat tili toʻgʻrisidagi qonun talablari asosida amalga oshirilmoqda
Majburiy ijro byurosi organlarida O‘zbekiston Respublikasi
Prezidentining 2019-yil 21-oktabrdagi “O‘zbek tilining davlat tili sifatida nufuzi va mavqeyini
tubdan oshirish chora-tadbirlari to‘g‘risida”gi hamda 2020-yil 20-oktabrdagi “Mamlakatimizda
o‘zbek tilini yanada rivojlantirish va til siyosatini takomillashtirish chora-tadbirlari
to‘g‘risida”gi Farmonlari ijrosini taʼminlash choralari ko‘rilmoqda.
Bugungi
kunda Byuro organlarida ish yuritish davlat tilida amalga oshirilib, barcha ichki
va idoralararo hujjatlar va yozishmalar o‘zbek tilida rasmiylashtirilishi yo‘lga
qo‘yilgan.
Dunyodagi qadimiy va boy tillardan biri hisoblangan o‘zbek
tili milliy o‘zligimiz va mustaqil davlatchiligimiz timsoli, bebaho ma’naviy boylik,
buyuk qadriyatdir.
So‘nggi yillarda o‘zbek tiliga e’tibor tobora oshib bormoqda.
Davlatimiz rahbari tomonidan o‘zbek tilining davlat va jamiyat hayotidagi ta’siri
va nufuzini oshirish bo‘yicha bir necha vazifalar sanab o‘tilgani, mazkur dolzarb masalaning huquqiy asoslarini yanada
mustahkamlash maqsadida bir nechta normativ hujjatlar qabul qilinganligi ham buning
yaqqol isbotidir.
Shu tilda ulkan ilmiy kashfiyotlar, badiiy durdonalar yaratilib
kelinmoqda. Til – millatning ma’naviy xazinasidir. Til nafaqat so‘zlashuv, muomala
vositasi, balki xalqning urf-odati, turmushi, kechagi kuni va ertangi kelajagi hisoblanadi.
Bugungi kunda xalqaro maydonda obro‘-e’tibori tobora yuksalib
borayotgan O‘zbekistonimizni dunyoga tarannum etishda ona tilimiz ham katta hissa
qo‘shmoqda. Davlat tilimiz orqali jahon minbarlarida o‘z so‘zimizni aytib kelmoqdamiz. Ayniqsa, Prezidentimiz Shavkat Mirziyoyevning Birlashgan
Millatlar Tashkiloti 75-sessiyasida o‘zbek tilida nutq so‘zlashi tarixiy voqeaga
aylandi desak mubolag‘a bo‘lmaydi.
Turkiy tillarning oilasiga mansub bo‘lgan o‘zbek tilining
tarixi xalqimizning ko‘p asrlik kechmishi, uning intilishlari, dard-u hasratlari,
zafarlari va g‘alabalari bilan bevosita bog‘liqdir.
Demak, har birimiz o‘z ona tilimizga e’tiborli bo‘lishimiz,
uni ardoqlashimiz, kelajak avlodga nafosat va nazokatli tilimizni butun go‘zalliklari
bilan yetkazishimiz lozim. Bu ish bugungi avlodning kelajak avlod oldidagi eng muqaddas
burchidir.
Bu borada Majburiy ijro byurosi organlarida xizmatni o‘tayotgan
xodimlarga o‘z xizmat faoliyatini amalga oshirishda davlat tili to‘g‘risidagi qonun
hujjatlariga va o‘zbek adabiy tili qoidalariga qatʼiy amal qilish, shu jumladan
hujjatlarni
rasmiylashtirishda o‘zbek adabiy tili imkoniyatlaridan keng foydalanish, so‘zlarni
o‘z o‘rnida va to‘g‘ri qo‘llash, grammatik, imloviy va stilistik qoidalarga qatʼiy
rioya qilinishini taʼminlash vazifalari
yuklatilgan.