- Bosh sahifa
- Maqolalar
- Tilimizning 3000 yillik tarixini tasdiqlovchi manbaa mavjud
Tilimizning 3000 yillik tarixini tasdiqlovchi manbaa mavjud
Maʼlumki, Yangi O‘zbekiston taraqqiyot strategiyasining 73-maqsadida buyuk ajdodlarimizning boy ilmiy merosini chuqur o‘rganish va keng targ‘ib etish hamda “Milliy tiklanish” demokratik partiyasining 2020-2024-yillarga mo‘ljallangan Saylovoldi dasturida buyuk ajdodlarimizning ilmiy, falsafiy, maʼnaviy-axloqiy, maʼrifiy-tarbiyaviy asarlari va qo‘lyozmalarini tadqiq qilish, ularni milliy hamda xalqaro darajada keng targ‘ib etish va ommalashtirish, nodir manba va qadimiy qo‘lyozmalar asosida ilmiy izlanishlar olib borayotgan tadqiqotchilarni moddiy va maʼnaviy jihatdan qo‘llab-quvvatlash kabi vazifalar ijrosini taʼminlashga ko‘maklashish belgilangan.
Shundan kelib chiqqan holda har yili
“Milliy tiklanish” demokratik partiyasi tomonidan har yili tarixiy shaxslar
ulug‘ allomalar asarlarini o‘rganish va targ‘ib qilishga qaratilgan
ilmiy-amaliy anjumanlar o‘tkazib kelinadi.
Ushbu
amaliy tadbirlarning navbatdagisi Toshkent davlat sharqshunoslik universitetida
tashkil etildi. Davra suhbatida Oliy Majlis Qonunchilik palatasidagi “Milliy
tiklanish” partiyasi fraksiyasi aʼzolari, partiya
Markaziy kengashi raisi o‘rinbosarlari, Toshkent davlat sharqshunoslik
universiteti professor o‘qituvchilari ishtirok etdi.
“Milliy tiklanish” demokratik partiyasi Markaziy kengashi, Toshkent davlat sharqshunoslik universiteti qoshidagi “Sharq madaniyati va merosini tadqiq etish ilmiy-tadqiqot markazi hamda “Xitov Xalq Respublikasining xorijiy davlatlar bilan madaniy almashinuv masalalari assotsiatsiyasi” hamkorligida o‘tkazilgan davra suhbati Yusuf Xos Hojib tavalludining 1000 yilligiga bag‘ishlanib, unda Yusuf Xos Hojibning asarlari mazmun-mohiyati haqida maʼruzalar, fikr va mulohazalar tinglandi.
Qayd
etilganidek, Yusuf Xos Hojibning “Qutadg‘u bilig” asari tilimizni 3000 yillik
tarixga ega ekanligini belgilab beradigan manbaa va turkiy olamning noyob
durdonasi hamdir. Ushbu asarda qo‘llanilgan so‘zlarni hozirgi isteʼmolga qo‘llash bu tilimizni rivojlantirishga muhim hissa qo‘shadi. O‘tgan
asr chet el olimlari orasida “Qutadg‘u bilig” bilan eng ko‘p shug‘ullangan va
katta yutuqlarni qo‘lga kiritgan olim venger sharqshunosi Xerman Vamberi
bo‘ldi. Uning eʼlon qilgan asari “Qutadg‘u bilig”ni butun
Yevropaga tanitdi va u yerda bu asarning jiddiy o‘rganilishi uchun keng yo‘l
ochib berildi. Asarni o‘rganish va uni targ‘ib qilishda Yusuf Xos Hojibning
badiiy mahorati va turkiy xalqlar adabiyoti tarixida tutgan o‘rnini beqiyosdir.
Shu bilan birga bu asar haqiqatda ham yorqin ifodalangan falsafiy, ijtimoiy
hamda ahloqiy muammolarning katta doirasini qamrab olgan asar hisoblanadi.
Davra
suhbatida so‘zga chiqqan maʼruzachi va
olimlar xulosasiga ko‘ra bugungi kunda tilimizni boyitish juda katta ahamiyatga
egadir. Shu nuqtai nazardan yangi so‘zlarni ixtiro qilmasdan Yusuf Xos
Hojibning asarlarida qo‘llanilgan so‘zlarning aksariyati bugungi kunda
jamiyatimizda isteʼmolga xos va mos so‘zlar ekanligini inobatga
olib, ayniqsa muloqot madaniyatida isteʼmolga ana shu so‘zlarni kiritish lozimligi aytib o‘tildi.
Shu bilan birga davra suhbati yakunida Toshkent davlat sharqshunoslik universiteti rektori Gulchehra Rixsiyeva hamkorlik uchun “Milliy tiklanish” demokratik partiyasiga minnatdorlik bildirib, Yusuf Xos Hojibning hayoti va ijodiga bag‘ishlangan maxsus qo‘llanma yaratishda, uning pand-nasihatlarini yosh avlodga yetkazishda va bunday tadbirlarni davomiyligini taʼminlashda hamkorlik masalalariga ham eʼtiborni qaratdi.