"Dunyodagi qadimiy va boy tillardan biri boʻlgan oʻzbek tili xalqimiz uchun milliy oʻzligimiz va mustaqil davlatchiligimiz timsoli, bebaho maʼnaviy boylik, buyuk qadriyatdir." O'zbekiston Respublikasi Prezidenti Shavkat Mirziyoyev
16:48:21 (GMT +5) 30.01.2020 Du

O‘rmon xo‘jaligi davlat qo‘mitasida kitoblar taqdimoti bo‘lib o‘tdi

Joriy yilning 22-sentyabr kuni O‘rmon xo‘jaligi davlat qo‘mitasida markaziy apparat xodimlari uchun “O‘zbek tilining izohli lug‘ati” hamda “Davlat tilida ish yuritish” kitoblarining taqdimot tadbiri bo‘lib o‘tdi. Tadbirning kirish qismini Qo‘mita raisining birinchi o‘rinbosari Olimjon Hakimov boshlab berib, tadbir ishtirokchilari bilan tanishtirdi. Vazirlar Mahkamasining Davlat tilini rivojlantirish departamenti mudiri, professor Abdug‘affor Qirg‘izboyev bu yili ilk bora nishonlanadigan “O‘zbek tili bayrami” kunining ijtimoiy, siyosiy, huquqiy jihatlari haqida gapirdi.

Davlat tiliga davlat siyosati darajasida eʼtibor berilayotgani, qabul qilinayotgan meʼyoriy-huquqiy hujjatlar, amalga oshirilayotgan ishlar va navbatdagi vazifalar haqida fikr bildirdi. Departament tashabbusi bilan davlat tiliga oid chop etilib, barcha vazirlik, tashkilot va idoralarga bepul tarqatilayotgan kitoblar, ularning har bir sohada hujjat yuritish jarayonida foydalanish qulayligi, ahamiyatli ekanligini aytib o‘tdi. O‘zbekistonining xorijiy mamlakatlardagi elchixonalarida ham mazkur kitoblarning taqdimoti katta qiziqish va faxr bilan o‘tkazilayotganligini taʼkidladi.

Vazirlar Mahkamasining Davlat tilini rivojlantirish departamentida bosh mutaxassisi Rustam Mirvohid ham tilimizning naqadar boy, betakror, serjilo qirralari, davlat tiliga eʼtibor, uni rivojlantirish, yuksaltirish har bir fuqaroning sharafli burchi ekanligi haqida gapirdi.

Tadbir yakunida mazkur kitoblarning Qo‘mita boshqarma va bo‘limlariga topshirish marosimi o‘tkazildi. Qo‘mita rahbariyati tomonidan tadbir ishtirokchilariga esdalik sovg‘alari topshirildi.

Malika Abduhakimova,

O‘rmon xo‘jaligi qo‘mitasi raisining maslahatchisi

24.09.2020 229