- Bosh sahifa
- Yangiliklar
- “Davlat tili haqida”gi va “Reklama to‘g‘risida”gi Qonunlarining Buxoro viloyatdagi ijrosi o‘rganildi
“Davlat tili haqida”gi va “Reklama to‘g‘risida”gi Qonunlarining Buxoro viloyatdagi ijrosi o‘rganildi
O‘zbekiston
Respublikasi Vazirlar Mahkamasining Davlat tilini rivojlantirish departamenti
mudiri Abdug‘affor Qirg‘izboyev O‘zbekiston Respublikasining “Davlat tili
haqida”gi hamda "Reklama to‘g‘risida" gi Qonunlarining Buxoro
viloyatidagi ijrosini o‘rgandi.
Kun davomida
viloyatning turli hududlari, maʼmuriy idoralar, savdo va maishiy xizmat
ko‘rsatish obyektlari, bozor va boshqa savdo majmualari, ko‘chalardagi tasviriy
vositalar, davlat tilida ish yuritish tartibiga alohida baho berildi. Aniqroq
aytganda, Buxoro shahri, Romitan, Vobkent va G‘ijduvon tumanlarida duch
kelingan tashqi yozuvlar, shu jumladan, peshlavha, reklama va boshqa eʼlonlar,
axborot matnlarini tegishli qonunlarga
muvofiqlashtirish yuzasidan mutasaddilarga tavsiya va ko‘rsatmalar berilib, ularni
bartaraf etish boʻyicha muddatlar belgilandi. Geografik obyektlar, shu
jumladan, Qonun talablari asosida geografik joy nomlarini o‘zgartirish va
joylarni nomlashda Qonun talablariga qat’iy rioya etish to‘g‘risida
ko‘rsatmalar berildi.
Mavzuga
bag‘ishlab viloyat hokimligida bo‘lib o‘tgan yakuniy muhokamada viloyat
hokimining Maʼnaviy-maʼrifiy ishlar samaradorligini oshirish, davlat tili
to‘g‘risidagi qonun hujjatlariga rioya etilishini taʼminlash masalalari
bo‘yicha maslahatchisi Feruza Ibragimova,
shuningdek, shahar va tumanlardagi masʼullar axboroti va fikr-mulohazalari
eshitildi.
Yig‘ilishda mulk
shakli va faoliyat turidan qatʼiy nazar, har bir tashkilot, muassasa yoki
idorada, savdo va maishiy xizmat uylari, mehnat jamoalarida davlat tiliga amal
qilish, unga bo‘lgan hurmatni yuksaltirish ustuvor ahamiyatga ega ekanligi
taʼkidlandi. Korxona-tashkilotlar, jamoat joylari, ko‘chalardagi turli
yozuvlar, axborot matnlarini tartibga solish ishlarini izchil davom ettirish,
bu borada hududlardagi sektor rahbarlari bilan yaqin hamkorlikni yo‘lga
qo‘yish, o‘zbek tilining buyukligi, boyligi hamda betakrorligini tarannum
etuvchi targ‘ibot tadbirlarini doimiy o‘tkazilishini taʼminlash va jahon
miqyosda targ‘ib etish chora-tadbirlarini yanada kengaytirish talabi qo‘yildi.
Muhokamada A.Qirg‘izboyev ta’kidlagan
kamchilik va muammolar yechimiga eʼtibor qaratilib, “Davlat tilida ish
yuritish” deb nomlangan amaliy qo‘llanmasi tarmoq masʼullariga topshirildi.
Davlat tilini rivojlantirish departamenti
Matbuot xizmati