- Bosh sahifa
- Yangiliklar
- O'zbekiston fuqaroligini olishga talabgorlar uchun sinov imtihonlari tashkil qilindi
O'zbekiston fuqaroligini olishga talabgorlar uchun sinov imtihonlari tashkil qilindi
O‘zbekiston Respublikasi Vazirlar Mahkamasining
592-son (2020.28.09.) qarori qarori asosida fuqaroligi bo‘lmagan shaxslar uchun
davlat tilini bilish darajasini aniqlash va sertifikat berish tizimi joriy
qilingan edi. Mazkur qaror asosida “O‘zbekiston Respublikasi
fuqaroligiga qabul qilishda davlat tilini bilish darajsaini aniqlash tartibi
to‘g‘risida Nizom” tasdiqlanib, unda davlat tili bo‘yicha sinov imtihonini tashkil
etish, davlat tilini bilish bo‘yicha sertifikat berish tartibi hamda davlat
tilini bilishga qo‘yiladigan minimal talablar belgilab berilgan.
Ushbu vazifa ijrosi Alisher Navoiy nomidagi Toshkent davlat o‘zbek tili va
adabiyoti universiteti huzuridagi Davlat tilida ish yuritish asoslarini
o‘qitish va malaka oshirish markaziga yuklatilgan edi.
Bugun Markaz va uning hududiy boʻlinmalarida fuqarolik olishga talabgorlar
uchun sinov imtihonlari tashkil qilindi. Sinov imtihonlari test, yozma,
ogʻzaki shakllarda tashkil qilindi.
Imtihon jarayonlarida Davlat tilini rivojlantirish departamenti mutaxassisi F.Hayitov,
Oliy va oʻrta maxsus ta’lim vaziri maslahatchisi O.Jamoliddinova, Ichki ishlar
vazirligi Migratsiya va fuqarolkni rasmiylashtirish bosh boshqarmasi boʻlim
boshligʻi A.Yunusxoʻjayevlar ishtirok etishdi. Markaz direktori I.Azimov va
tashrif buyurgan mehmonlar mamlakatimizda oʻzbek tilining davlat tili
sifatidagi nufuzi va mavqeуini oshirish boʻyicha olib borilayotgan ishlar xususida
toʻxtalib, talabgorlarga bugungi sinovlarda omad tiladilar.
Markazda tashkil qilingan imtihonda 35 nafar, respublika boʻyicha jami 258 nafar talabgor ishtirok etdi.
Davlat tilida ish yuritish asoslarini
o‘qitish va malaka oshirish markazi