- Bosh sahifa
- Yangiliklar
- Ajdodlardan meros qolgan ona tilim!
Ajdodlardan meros qolgan ona tilim!
Joriy yilning 17-dekabr kuni O‘zbekiston
Respublikasi Prezidentining 2019-yil
21-oktabrdagi
“O‘zbek tilining davlat tili sifatidagi nufuzi va mavqeyini tubdan oshirish
chora-tadbirlari to‘g‘risida”gi PF-5850-son hamda 2020-yil 20-oktabrdagi “Mamlakatimizda o‘zbek
tilini yanada rivojlantirish va til siyosatini takomillashtirish
chora-tadbirlari to‘g‘risida”gi PF-6084-son Farmoni va O‘zbekiston Respublikasi
Vazirlar Mahkamasining 2020-yil
20-yanvardagi
“Mamlakatda davlat tilida ish yuritishni samarali tashkil qilish
chora-tadbirlari to‘g‘risida”gi 34-son qarorida belgilangan vazifalar ijrosini
ta'minlash maqsadida tuman hokimligi, Respublika ma'naviyat va ma'rifat markazi
Yunusobod tumani bo‘linmasi, O‘zbekiston Yozuvchilar uyushmasi va Muqumiy
nomidagi O‘zbek Davlat musiqali drama teatri bilan hamkorlikda “Ajdodlardan
meros qolgan ona tilim!” mavzusida ma'naviy-ma'rifiy tadbir o‘tkazildi.
Tadbirni Toshkent shahar hokimining ma'naviy-ma'rifiy
ishlar samaradorligini oshirish, davlat tili to‘g‘risidagi qonun hujjatlariga
rioya etilishini ta'minlash masalalari bo‘yicha maslahatchisi Akmal Ro‘zitoev
ochib berdi.
Shuningdek, tadbirda O‘zbekiston Yozuvchilar uyushmasi
a'zosi, O‘zbekiston radio suxandoni Hulkar Hamroyeva, Muqumiy nomidagi O‘zbek
Davlat musiqali drama teatri aktyori, O‘zbekistonda xizmat ko‘rsatgan artist
Mehmonali Salimov va Respublika ma'naviyat va ma'rifat markazi Yunusobod tumani
bo‘linmasi rahbari Salohiddin Axmadaliyev o‘z ma'ruza va chiqishlarida hukumat
qaror va farmonlarining mazmun-mohiyati bilan yaqindan tanishtirib, amalga
oshirilayotgan ishlar haqida ma'lumot berib o‘tdilar.
Shuningdek, tadbir
davomida o‘zbek til bilan bog‘liq tadbirlarni doimiy ravishda tashkil etish,
jamoatchilik nazorat guruhlari bilan hududdagi barcha tashqi yozuvlar, e'lon va
peshlavhalar hamda hujjatlar yuritilishini tartibga solish hamda badiiy ijod
bilan birga ilmiy faoliyatni teng olib borgan buyuk mutafakkir Alisher Navoiy
bobomiz tavalludining 580 yilligi munosabati bilan ta'lim maskanlarida Adabiyot
oyligi doirasida turkum tadbirlar, uchrashuv va davra suhbatlarini tashkil
etish yuzasidan fikr mulohazalar bildirildi.
Yunusobod tumani
Matbuot xizmati