- Bosh sahifa
- Yangiliklar
- Onlayn insholar tanlovi eʼlon qilindi
Onlayn insholar tanlovi eʼlon qilindi
Qashqadaryo viloyat hokimligi hamda viloyat xalq taʼlimi boshqarmasi tomonidan 9-10-11 sinf o‘quvchilari o‘rtasida “Ona tilim-g‘ururim” mavzusida onlayn insholar tanlovi eʼlon qilindi.
Tanlov shartlari - ajdodlarimizning boy merosini asrab-avaylash, milliy o‘zlikni anglash va mustaqil davlatchilik timsoli bo‘lgan, bebaho maʼnaviy xazina, mamlakatimizning siyosiy-ijtimoiy, maʼnaviy-maʼrifiy taraqqiyotida yuksak kuch – o‘zbek tilining nufuzi va mavqeini oshirishga doir qarashlar va bilimlarni ifodalash. So‘zga bo‘lgan hurmat hissi hamda yuksak tafakkurni namoyon etish.
Ijodiy ishlar dastlab tuman, shahar bosqichlarida saralanadi. Insholar 2020-yilning 10-apreliga qadar viloyat xalq taʼlim boshqarmasining https://t.me/ona_tilimtanlovi telegramm kanali orqali onlayn qabul qilinmoqda.
Har uch sinf kesimida uchtadan g‘olib aniqlanadi va ularga qimmatbaho sovg‘alar topshiriladi.
Ona tili - bebaho qadriyatdir. Biz uni eʼzozlab, albatta eʼzoz topamiz!