“Buyuk siymo” mavzusida maʼnaviy-maʼrifiy tadbir o‘tkazildi

O‘zbekiston Respublikasi Davlat geologiya va mineral resurslar qo‘mitasida ulug‘ shoir va mutafakkir, o‘zbek adabiyoti va adabiy tilining asoschisi A.Navoiy tavalludining 580 yilligiga bag‘ishlangan “Buyuk siymo” mavzusida maʼnaviy-maʼrifiy tadbir o‘tkazildi.

Tadbirda taniqli adabiyotshunos olim, “O‘zbekino” Milliy agentligi direktorining birinchi o‘rinbosari Sh.Rizayev hamda elimiz ardog‘idagi xonanda, O‘zbekiston xalq hofizi O.Safarov ishtirok etdilar.

Adabiyotshunos olim Sh.Rizayev buyuk shoir va mutafakkir A.Navoiy hayoti, ijodiy faoliyati atroflicha to‘xtalib, uning 580 yilligini munosib nishonlash sharafli vazifa ekanligini taʼkidladi. O‘zbekiston xalq hofizi Orolmirzo Safarov Navoiy g‘azallariga bastalangan qo‘shiqlarni jonli ijroda kuylash bilan tadbir ishtirokchilariga ko‘tarinki kayfiyat ulashdi.

Davlat geologiya va mineral resurslar qo‘mitasi
Matbuot xizmati