- Bosh sahifa
- Yangiliklar
- Ugom-Chotqol davlat milliy tabiat bogʻida davlat tilida ish yuritishga qanday ahamiyat berilmoqda?
Ugom-Chotqol davlat milliy tabiat bogʻida davlat tilida ish yuritishga qanday ahamiyat berilmoqda?
Oʻzbekiston
Respublikasi Prezidentining 2020-yil 20-oktyabrdagi “Mamlakatimizda oʻzbek
tilini yanada rivojlantirish va til siyosatini takomillashtirish chora-tadbirlari
toʻgʻrisida” PF-6084-son Farmoni hamda Vazirlar Mahkamasining 2020-yil
20-yanvardagi “Mamlakatda davlat tilida ish yuritishni samarali tashkil qilish
chora-tadbirlari toʻgʻrisida”gi 34-sonli qarori ijrosi yuzasidan Oʻrmon
xoʻjaligi davlat qoʻmitasi tizimidagi hududiy davlat oʻrmon xoʻjaliklarida
maʼnaviy-maʼrifiy ishlar samaradorligini oshirish hamda davlat tili
toʻgʻrisidagi qonun hujjatlari talablariga soʻzsiz rioya etilishini taʼminlash
boʻyicha oʻrganishlarni oʻtkazish reja-jadval belgilangan. Unga koʻra, ishchi
guruh belgilanib, rais maslahatchisi M.Abduxakimova va Chegara masalalari,
mehnat muhofazasi, texnika va yongʻin xavfsizligi boʻlimi bosh mutaxassisi R.Tojimatovlar ishtirokida 2021-yil 9-mart
kuni Qoʻmita tarkibidagi Ugom-Chotqol davlat milliy tabiat bogʻi ish
faoliyatini oʻrgandilar.
Ish yuritishga oid hujjatlar (buyruqlar,
bayonnomalar, chiqish xatlari va boshqalar)ni oʻrganishda maʼlum boʻldiki,
tashkilotda barcha hujjatlar davlat tilida yozilgan (99 foiz chiqish xatlari
davlat tilida yozilgan). Bino va uning ichki qismida osilgan peshlavhalar,
koʻrgazmali vositalar oʻzbek tilida boʻlib, ayrimlari lotin alifbosida
tayyorlangan. Xonalarga kirishdagi tanishtiruv taxtasi (tablichka) ham lotin
alifbosiga asoslangan oʻzbek yozuvida boʻlib, imloviy xatoliklar mavjud ekanligi
aniqlandi. Bino ichidagi barcha koʻrgazmali vositalar oʻzbek tilida yozilgan
boʻlsa-da, imloviy xatoliklarni kuzatish mumkin. Koʻrgazmali vositalarga
buyurtma berayotganda xatosiz yozilganligiga eʼtibor qaratish tavsiya etildi.
Tashkilot xodimlarining ish yuritish boʻyicha malaka
oshirishiga eʼtibor qaratilgan. Xususan, 2021-yil 11-24-yanvar kunlari bosh
buxgalter Gulchehra Nishonboyeva, ish yurituvchi Gulnora Ismailovalar Jahon
iqtisodiyoti va diplomatiya universitetida ijro intizomi va hujjatlar bilan
ishlashda ish yuritishni tashkil etish boʻyicha malaka oshirib, sertifikat
olganlar. Buxgalteriya-hisob yoʻnalishidagi ayrim blank va hujjatlar belgilangan
meʼyorlarga koʻra rus tilida amalga oshirilgan. UzASBO tomonidan
dasturlashtirilgan hujjatlar rus tilida boʻlganligi bois davlat tilida
tayyorlanmagan.
Oʻrmon xoʻjaligi davlat qoʻmitasining 2020-yil
27-oktyabrdagi 153-sonli buyruq boʻyicha tashkilot hujjatlari
rasmiylashtirilgan boʻlib, chora-tadbirlar begilangan, ijrosi nazoratga
olingan. Qoʻmitaning 2021-yil 19-fevraldagi “Oʻzbekiston Respublikasi Vazirlar
Mahkamasining 2021-yil 4-fevraldagi “Rahbar kadrlar va masʼul lavozimlarga
tayinlanadigan shaxslarning davlat tilini bilish darajasini aniqlash va ularga
davlat tilini bilish boʻyicha sertifikatni berish tartibi toʻgʻrisidagi nizomni
tasdiqlash haqida”gi 52-son qarori ijrosini tashkil va taʼmin qilish
chora-tadbirlari toʻgʻrisida”gi 24-sonli, 2021-yil 26-fevraldagi “Oʻzbekiston
Respublikasi Vazirlar Mahkamasining 2021-yil 10-fevraldagi “Lotin yozuviga
asoslangan oʻzbek alifbosiga bosqichma-bosqich toʻliq oʻtishni taʼminlash
chora-tadbirlari toʻgʻrisida”gi 61-son qarori ijrosini tashkil etish
toʻgʻrisida”gi 31-sonli, 2021-yil 1-martdagi “Oʻzbekiston Respublikasi
Prezidenti Sh.M.Mirziyoyev rahbarligida 2021-yil 19-yanvar kuni Respublika
Maʼnaviyat va maʼrifat kengashining videoselektor tarzida oʻtkazilgan 3-son
majlis bayoni topshiriqlari ijrosini taʼminlash chora-tadbirlari toʻgʻrisida”
32-sonli buyruqlari boʻyicha tarmoq hujjatlari, chora-tadbirlar
rasmiylashtirilish arafasida.
Tashkilot tomonidan tayyorlanayotgan barcha
koʻrgazmali vositalar, kitoblar, bukletlar avvalo davlat tilida, qolaversa,
boshqa tillarda ham chop etilgan.
Davlat tilida ish yuritish boʻyicha amaliy yordam sifatida “Davlat tilida ish yuritish” kitobi tuhfa qilindi.
Oʻrganish yuzasidan zaruriy taklif va tavsiyalar berildi.
Malika
Abduhakimova,
O‘zbekiston
Respublikasi O‘rmon xo‘jaligi
davlat qo‘mitasi raisining maslahatchisi