- Bosh sahifa
- Yangiliklar
- Tashqi reklamalarni joylashtirishga moratoriy eʼlon qilindi
Tashqi reklamalarni joylashtirishga moratoriy eʼlon qilindi
Toshkent shahrida 2021-yil
1-apreldan 2021-yil 31-dekabriga qadar tashqi reklama obyektlarini
(konstruksiyalarini) joylashtirish, oʻrnatish, oʻzgartirish va pasportlarining
berilishiga moratoriy eʼlon qilindi.
Bu
haqda poytaxt hokimligi xabar berdi.
Qayd etilishicha, bu xalq deputatlari Toshkent shahar
kengashining 2021-yil 27-martdagi qaroriga muvofiq, Toshkent shahrida
oʻrnatilgan tashqi reklama obyektlarini (konstruksiyalarini) xatlovdan
oʻtkazib, yagona elektron reyestrni shakllantirish maqsadida qilinmoqda.
Taʼkidlanishicha, moratoriy tashqi reklama
obyektlarida (konstruksiyalarida) joylashgan reklamaga taalluqli emas.
Moratoriy amal qilishi davomida yangi oʻrnatilgan
tashqi reklama obyektlari (konstruksiyalari) noqonuniy hisoblanib, belgilangan
tartibda demontaj qilinadi va ularni oʻrnatgan shaxslarga nisbatan choralar
koʻriladi.
Toshkent shahar hokimligi
Matbuot xizmati