- Bosh sahifa
- Yangiliklar
- AQSH Michigan shtati universiteti professori bilan videokonferensiya shaklida muloqot o‘tkazildi
AQSH Michigan shtati universiteti professori bilan videokonferensiya shaklida muloqot o‘tkazildi
Joriy yilning 22-aprel kuni AQSH Michigan
shtati universiteti talabalariga o‘zbek tilidan taʼlim beruvchi professor Temur
Xo‘ja o‘g‘li bilan videokonferensiya shaklida muloqot o‘tkazildi.
Videomuloqotda
O‘zbekiston Respublikasi Qishloq xo‘jaligi vazirining maslahatchisi E.Abdualimov, Toshkent davlat agrar universiteti
xalqaro aloqalar bo‘yicha prorektori A.Abduvasiqov,
O‘zbek tili va adabiyoti hamda Xorijiy tillar kafedralari mudirlari D.Muhiddinova
va U.Abdullayevalar ishtirok etdilar.
O‘zbekiston
Respublikasining “Davlat tili to‘g‘risida”gi
qonuni qabul qilingan 1989-yildan boshlab,
jumladan, Mustaqillikning dastlabki yillari hamda yangi O‘zbekistonni bunyod
etish davrida milliy tilimizni joriy qilish, shuningdek, 2020-2030-yillarda o‘zbek tilini rivojlantirish va til
siyosatini takomillashtirish Konsepsiyasida belgilab berilgan tadbirlar amalga
oshirilishi to‘g‘risida axborot berildi.
Mamlakatimizda
so‘nggi yillarda amalga oshirilayotgan jadal islohotlar tufayli millatimiz va
tilimizga bo‘lgan qiziqish ortayotganligini
mamnuniyat bilan qayd etildi. O‘zbek tilining xalqaro nufuzi, jozibadorligi va
imkoniyatlari haqida muloqot va suhbatlar o‘tkazish, maʼnaviyatimiz va
madaniyatimizni targ‘ib qilish borasida hamkorlikni kengaytirish bo‘yicha
muloqot ishtirokchilari o‘z takliflarini bildirdilar.
Videomuloqotda
o‘zaro hamkorlikda amalga oshiriladigan tadbirlar ko‘lami kelishib olindi.
E.Abdualimov,
Qishloq
xo‘jaligi vazirining maslahatchisi