- Bosh sahifa
- Yangiliklar
- Qibray tumani hududidagi reklamalarning qonun hujjatlari talablariga muvofiqligi o‘rganildi
Qibray tumani hududidagi reklamalarning qonun hujjatlari talablariga muvofiqligi o‘rganildi
Kuni kecha
ijtimoiy tamoqlarda Qibray tumanida 50 dan ortiq eʼlon va reklama vositalari
olib tashlanayotganligi haqida xabar tarqaldi.
Tabiiyki, bu holat baʼzi tadbirkorlarda
norozilik yuzaga keltirdi. Tadbirkorlarning aytishicha, ularga tegishli tashqi
reklama obyektlari mahalliy hokimlik tomonidan hech qanday hujjatsiz olib
qo‘yilgan.
Ushbu xabarga oydinlik kirtish maqsadida Zamon.uz muxbiri Toshkent
viloyati hokimining maʼnaviy-maʼrifiy ishlar samaradorligini oshirish, davlat
tili to‘g‘risidagi qonun hujjatlariga rioya etilishi ta'minlash masalalari bo‘yicha maslahatchisi
Sarvar Fayzullayev bilan bog‘landi.
– Nima sababdan tumanda baʼzi eʼlon va reklama vositalari olib
tashlandi?
– Qibray tumani hududida faoliyat
yuritayotgan tadbirkorlik subyektlari, savdo nuqtalari peshlavhalari (bunga
katta hajmdagi bannerlar kirmaydi) O‘zbekiston Respublikasining “Davlat tili
haqida”gi Qonuni va Vazirlar Mahkamasining 2020-yil 20-fevraldagi “Tashqi
reklama bozorini tartibga solish to‘g‘risida”gi 104-son qarori talablariga
muvofiqligi o‘rganildi.
O‘rganishlar davomida ishchi guruhi
tuzilib, guruh aʼzolari tadbirkorlarga yuqoridagi qonun va qaror talablari
tushuntirishdi.
O‘tkazilgan reyd natijasida qonun
hujjatlari meʼyorlariga to‘g‘ri kelmaydigan eʼlonlar, reklama vositalari (bunga
katta hajmdagi bannerlar kirmaydi) tadbirkorlar va maslahatchilar tomonidan
olib tashlandi. Zudlik bilan olib tashlanishi imkoni bo‘lmaydigan peshlavhalar
qisqa muddatlarda olib tashlanishi kerakligi to‘g‘risida tadbirkorlarga
ogohlantirish berildi.
– “Davlat tili to‘g‘risida”gi, “Reklama to‘g‘risida”gi O‘zbekiston
Respublikasi Qonunlariga zid, vakolatli organning qarorisiz o‘rnatilgan tashqi
reklama vositalari va shu kabi holatlar bo‘yicha qaror talablariga javob
bermaydigan tashqi reklama vositalari aniqlandimi?
– Aniqlandi, tadbirkorlardan eʼlonlar,
peshlavha, reklama vositalarini eʼlon qilishda qonun hujjatlari normalariga
qatʼiy amal qilish, eʼlonlarni daraxtlarga, elektr simyog‘ochlarga, gaz
quvurlariga osmaslik hamda ko‘cha yuzalari, avtomobillar qatnaydigan ko‘chalarni
to‘sib qo‘ymaslik so‘raldi. Xorijiy tillarda yozilgan eʼlonlar, peshlavhalar,
reklama vositalari qonun hujjatlariga muvofiq avvalo davlat tilida, zarur
holatlarda, tarjima tariqasida boshqa tilda yozilishi tushuntirildi.
Tadbirkorlar o‘tkazilgan suhbatlardan to‘g‘ri xulosa chiqarishdi hamda milliy
g‘ururimiz bo‘lmish tilimizning sofligi uchun kurashishda o‘z yordamlarini
ayamasliklarini aytib o‘tishdi.
Reklama – davr talabi. Darhaqiqat, bugun
shahar bo‘ylab yurar ekanmiz, ko‘chalarda turli-tuman reklama ummoniga duch
kelamiz. Eʼlonlar, do‘kon va maʼmuriy-maishiy binolar peshtoqidagi yozuvlarni
uchratishimiz mumkin. Ammo ayrim reklama yozuvlaridagi o‘zbek tili
meʼyorlarining buzilishi, imlo xatoliklarga yo‘l qo‘yilishi ko‘ngilni xira
qiladi. Bunday imlo xatolar buyuk insonlar, adiblar sharafiga berilgan
ko‘chalar nomida, avtobus va metropoliten yozuvlarida ham mavjud.
Kichik xalqa avtomobil yo‘lining,
avtomobillar qayrilib olishi uchun mo‘ljallangan qismida,
ovqatlanish shoxobchasining reklamasini o‘rnatilganligi va bu holat yo‘l
harakati ishtirokchilariga noqulaylik tug‘dirayotganligi haqida eʼtirozlar ham
bayon etilgan.
O‘zbekiston xalq shoiri Erkin Vohidov
aytganidek, ona tili umummillat mulkidir. Demak, til oldidagi masʼuliyat ham
umummilliy. Men o‘zbekman, degan har bir inson o‘zbek tili uchun qayg‘urmog‘i
lozim. Unutilgan so‘zlarni tiklash, borini boyitib borish, xorijiy atamalarga
munosib istilohlar topish yolg‘iz tilshunoslarning emas, millatning ishidir.
Munojat Valiyeva