- Bosh sahifa
- Yangiliklar
- Texnik jihatdan tartibga solish agentligi Maʼnaviyat va maʼrifat kengashining navbatdagi majlisi o‘tkazildi
Texnik jihatdan tartibga solish agentligi Maʼnaviyat va maʼrifat kengashining navbatdagi majlisi o‘tkazildi
Texnik
jihatdan tartibga solish agentligi Maʼnaviyat va maʼrifat kengashining
navbatdagi majlisi o‘tkazildi. Unda maʼnaviy-maʼrifiy ishlar samaradorligini
oshirish, davlat tili to‘g‘risidagi qonun hujjatlarini ijrosini taʼminlash,
kiyinish madaniyati masalalariga bag‘ishlangan maʼnaviy-maʼrifiy tadbir
o‘tkazildi. Majlis Bosh direktor raisligida agentlikning tizim tashkilotlari va
hududiy filiallari rahbarlari ishtirokida o‘tkazildi.
So‘zga chiqqanlar
tomonidan joriy yilning oktabr oyida davlatimizda muhim siyosiy jarayon –
Prezident saylovi bo‘lib o‘tishi, ana shu saylovoldi jarayonlarda har bir
saylovchi ovoz berayotgan nomzodi haqida batafsil maʼlumotlarga ega bo‘lishi,
saylovda qatnashish tartibini bilishi va oila aʼzolariga buni yetkazishi,
saylov jarayonlariga masʼuliyat bilan yondashishi lozim ekanligi taʼkidlab
o‘tildi. Shuningdek, saylovoldi jarayonlarda Prezidentlikka nomzodlarning
saylovchilar bilan o‘tkaziladigan uchrashuvlarda faol ishtirok etilishi,
mehmonlarning tashrifi uchun hududlarning ozodaligiga alohida eʼtibor
qaratilishi taʼkidlandi.
Shuningdek, kun
tartibidan o‘rin olgan yaqinlashib kelayotgan 1-oktabr – o‘qituvchi va
murabbiylar kuni, 21-oktabr – o‘zbek tili bayramini keng nishonlash bo‘yicha
ham fikr-mulohazalar va takliflar bildirildi. Bayram munosabati bilan agentlik
va uning tizim tashkilotlarida ko‘p yillar davomida samarali mehnat qilib,
hozirgi kunda qarilik gashtini surayotgan faxriylar bilan uchrashuvlar,
ustozlar o‘gitlaridan bahramand bo‘lish, “ustoz-shogird” tizimini yanada
rivojlantirish maqsadida “Uch avlod
uchrashuvlari”ni o‘tkazish, buyuk allomalarimiz hayoti va faoliyatiga
bag‘ishlab bunyod etilgan muqaddas qadamjolarga ekskursiyalar uyushtirish
bo‘yicha kelishib olindi.
Shu bilan birga, “Qadring baland bo‘lsin, ona tilim”
shiori ostida o‘zbek tilini tarannum etuvchi turli chellenjlar tashkil qilish,
o‘zbek tili bo‘yicha mutaxassis va olimlar bilan uchrashish, sheʼrxonlik va
kitoblik kechalarini tashkil etish bo‘yicha tavsiyalar berildi.
Bayram arafasida har
bir masʼull o‘z hududidagi barcha yozuvlarning davlat tilida ekanligiga alohida
eʼtibor qaratishi zarurligi qayd etildi. Bosh direktor ushbu tadbirlarni
ommaviy axborot vositalarida keng yoritish, tizim tashkilotlari va hududiy
filiallar rahbarlari o‘zlari rahbarlik qilayotgan jamoalarda davlat tilida ish
yuritilishini taʼminlanganligi, tashkilot nomlari, reklama va peshlavhalar
davlat tilida bo‘lishiga alohida eʼtibor qaratilganligi, maʼnaviy-maʼrifiy
ishlarning samarali tashkil qilinayotganligi haqida respublika markaziy va
hududiy mahalliy gazetalar, televideniyelarda chiqishlar qilishlari bo‘yicha
topshiriq berdi.
Majlisda xodimlarning
kitobxonlik madaniyatini yanada oshirish maqsadida tizim tashkilotlari, hududiy
filiallarda idoraviy kutubxonalar fondini boyitish masalasiga ham alohida
eʼtibor qaratildi. Shu maqsadda Alisher Navoiy nomidagi O‘zbekiston
Milliy kutubxonaning viloyatlardagi filiallari bilan hamkorlikni o‘rnatish,
muntazam ravishda xodimlarga yangi olingan kitoblar bilan tanishish
imkoniyatini yaratish maqsadga muvofiqligi taʼkidlandi.
Bundan tashqari,
Bosh direktor tomonidan barcha hududiy filiallar rahbarlariga Respublika
Maʼnaviyat va maʼrifat markazining hududiy boshqarmalari bilan yaqindan
hamkorlikni o‘rnatish, birgalikda tadbirlar o‘tkazish vazifasi ham topshirildi.
Shuningdek, xodimlarning kiyinish madaniyati haqida so‘z yuritilib, har bir
xodim davlat xizmatchisi degan nomga mos ravishda kiyinishi, o‘zini tutishi,
faoliyati yuritishi zarurligi taʼkidlandi.
Naibaxon Mamadaliyeva
Bosh direktor maslahatchisi,
fil.f.d., professor