- Bosh sahifa
- Yangiliklar
- Qozog‘iston milliy ma’naviyatni yuksaltirish uchun 280 million dollar yo‘naltirmoqchi
Qozog‘iston milliy ma’naviyatni yuksaltirish uchun 280 million dollar yo‘naltirmoqchi
Qozog‘iston Axborot va ijtimoiy rivojlanish vazirligi Milliy
ma’naviy yangilanish loyihasini taqdim etdi, deb xabar bermoqda “Currenttime” nashri.
Qozoq tilini kundalik maishiy muloqotdan ilm-fan va biznes
tili darajasiga ko‘tarish, shuningdek, Qozog‘istondan boshqa mamlakatlarda ham milliy
madaniyatni targ‘ib qilish loyihaning asosiy vazifalari etib belgilangan.
“Aslida bu inson ongiga tikilgan sarmoya bo‘lib, uning
natijasi jamiyat hayotining deyarli barcha jabhalarida: madaniyat, iqtisodiyot,
ta’limda namoyon bo‘ladi”, deydi vazir Aida Balaeva. Hisob-kitobga ko‘ra, loyiha
280 million dollarga tushadi.
Taqdimotda ma’lum qilinishicha, milliy ma’naviyatni shakllantirish
haqidagi taklif allaqachon hukumat tomonidan tasdiqlangan. Rasmiylar
ko‘plab muhokamalarga qaramay loyihadan voz kechmoqchi emas.
oyina.uz