- Bosh sahifa
- Yangiliklar
- “Qadring baland bo‘lsin, ona tilim!” respublika tanlovi g‘oliblarini taqdirlash marosimi bo‘lib o‘tdi
“Qadring baland bo‘lsin, ona tilim!” respublika tanlovi g‘oliblarini taqdirlash marosimi bo‘lib o‘tdi
Poytaxtimizda O‘zbekiston Respublikasi Vazirlar
Mahkamasining Maʼnaviyat va davlat tilini rivojlantirish departamenti
tashabbusi bilan joriy etilgan “Qadring
baland bo‘lsin, ona tilim!” respublika tanlovi g‘oliblarini
taqdirlash marosimi bo‘lib o‘tdi.
Tanlovga bag‘ishlab o‘tkazilgan tadbir avvalida
davlat va jamoat arboblari, vazirlik va idoralar, xo‘jalik birlashmalari va
hokimliklar rahbarlarining Maʼnaviy-maʼrifiy ishlar samaradorligini oshirish,
davlat tili to‘g‘risidagi qonun hujjatlariga rioya etilishini taʼminlash
masalalari bo‘yicha maslahatchilari, yozuvchi va shoirlar, adabiyotshunos va
tilshunos olimlar, ommaviy axborot vositalari xodimlari Adiblar xiyobonidagi
buyuk shoir va mutafakkir Mir Alisher Navoiy haykali poyiga gul qo‘l qo‘yib,
ulug‘ bobokalonimiz ruhiga ehtirom ko‘rsatdi.
Shundan
so‘ng Muqumiy nomidagi O‘zbekiston musiqali darama teatrida “Qadring baland bo‘lsin, ona tilim!” respublika
tanlovi g‘oliblarini tantanali taqdirlash marosimi boshlandi.
Xalqimizning
bebaho xazinasi, millatimizning ruhi bo‘lgan o‘zbek tilining ravnaqiga erishish
uchun ona tilimizga sadoqat ko‘rsatish, uni kelajak avlodlarga sof holda
yetkazish har birimizning burchimiz va sharafimizdir!
“Qadring
baland bo‘lsin, ona tilim!” respublika tanlovining maqsad va vazifasi ham
bevosita mana shu sharafli va ezgu ishga qaratilgan.
Bu
yilgi respublika tanlovi 3
yo‘nalishda tashkil etildi hamda hakamlar hayʼati tomonidan xolis baholandi.
–
Davlat tili ustuvorligi
taʼminlangan eng namunali hudud (mahalliy ijro etuvchi tuman/shahar hokimliklari)
yo‘nalishida;
– Davlat tilida ish yuritish yo‘lga qo‘yilgan
eng yaxshi tizim (vazirlik,
idora, xo‘jalik birlashmalari) yo‘nalishida;
– O‘zbek tilini rivojlantirishga qaratilgan
eng yaxshi ilmiy-amaliy loyiha (ilmiy tashkilotlar, oliy va o‘rta-maxsus taʼlim muassasalari)
yo‘nalishida maxsus ishchi guruh va hayʼat tomonidan borib o‘rganildi hamda
saralandi.
G‘oliblar
pul mukofoti va qimmatbaho sovg‘alar bilan taqdirlandi.
Tadbirda ona tilimizni madh
etuvchi sheʼrlar o‘qilib, kuy-qo‘shiqlar ijro etildi.