- Bosh sahifa
- Yangiliklar
- Oʻzbek tilida harbiy terminologiya masalalariga bagʻishlangan maʼrifiy davra suhbati boʻlib oʻtdi
Oʻzbek tilida harbiy terminologiya masalalariga bagʻishlangan maʼrifiy davra suhbati boʻlib oʻtdi
Dunyodagi qadimiy va
boy tillardan
biri boʻlgan
oʻzbek tili
xalqimiz uchun
milliy oʻzlik
va mustaqil
davlatchilik timsoli,
bebaho maʼnaviy boylik, mamlakatimizning
siyosiy-ijtimoiy,
maʼnaviy-maʼrifiy taraqqiyotida
gʻoyat muhim
oʻrin egallab
kelayotgan buyuk
qadriyatdir.
Til millat koʻzgusi, gʻururi, tafakkur manbayidir.
Buyuk maʼrifatparvar bobomiz Abdulla Avloniy yozganidek: “Har bir millatning dunyoda borligʻini koʻrsatadurgan oyinai hayoti til va adabiyotidur. Milliy tilni yoʻqotmak millatning ruhini yoʻqotmakdur”.
Dar haqiqat
bugun yer yuzida olti mingga yaqin til va lahja boʻlsa, ulardan bor-yoʻgʻi
yuzga yaqini davlat tili maqomiga ega.
Ular orasida oʻzbek tili ham borligi bizning baxtimiz,
faxrimizdir.
1989-yil 21-oktabrda, yaʼni hali sobiq tuzum mavjud
bir paytda “Davlat tili toʻgʻrisida”gi qonunning qabul
qilinishi oʻzligimizni anglash yoʻlidagi ulkan jasorat boʻlgan edi.
Shunga koʻra, Oʻzbekiston Respublikasi
Konstitutsiyasida oʻzbek tilining davlat tili sifatida huquqiy maqomi aniq
belgilab berildi. Shu tariqa, oʻzbek tili mustaqil davlatimizning bayrogʻi,
gerbi, madhiyasi, Konstitutsiyasi qatorida turadigan, qonun yoʻli bilan himoya
qilinadigan muqaddas timsollaridan biriga aylandi.
Oʻzbekiston
taraqqiyotining bugungi yangi bosqichi — Milliy tiklanishdan, milliy yuksalish
davri talablaridan kelib chiqib, ona tilimizning jamiyatdagi oʻrni va nufuzini
oshirish boʻyicha keng koʻlamli ishlar amalga oshirilmoqda.
Dunyodagi qadimiy va boy tillardan biri boʻlgan oʻzbek
tili xalqimiz uchun milliy oʻzlik va mustaqil davlatchilik timsoli, bebaho
maʼnaviy boylik, mamlakatimizning siyosiy-ijtimoiy, maʼnaviy-maʼrifiy
taraqqiyotida gʻoyat muhim oʻrin egallab kelayotgan buyuk qadriyatdir.
Bizning ona
zaminimizda milliy davlatchilik 3 ming yillik boy tarixga ega sanalsa, ushbu
davrlarda jamiyatning turli sohalari kabi harbiy sohasi ham sanʼat darajasida
rivojlanish bosqichini bosib oʻtdi, bu jarayonda milliy tilning oʻrni beqiyos
sanaladi.
Demak
bugungi kunda ilmiy tadqiqot masallarida harbiy terminologiyani tadqiq etish,
tarix barxanlari ostiga yashiringan tilimizning bu jabhadagi goʻzalligini,
betakrorligini ochib berish bugungi kunning dolzarb masalasiga aylanmogʻi
zarurdir.
Ayni shu
maqsadda joriy yilning 14-oktabr kuni Oʻzbek tiliga davlat tili maqomi berilgan
kunning oʻttiz ikki yilligi munosabati bilan, Davlat bojxona qoʻmitasining
Bojxona instituti tashabbusi bilan, “Gʻalaba bogʻi” yodgorlik majmuasida Oʻzbek
tilida harbiy terminologi masalalariga bagʻishlangan maʼrifiy davra suhbati
boʻlib oʻtdi.
Mazkur tadbirda Davlat bojxona
qoʻmitasining Bojxona instituti professor-oʻqituvchilari, Oʻzbekiston
Respublikasi Qurolli Kuchlar Akademiyasi mutaxassis xodimlari, tilshunos
tadqiqotchilar, kursantlar va OAV vakillari ishtirok etdi.
Tadbirda
soʻz olganlar oʻzbek tilining tarixiy ahamiyati, milliy yuksalish yoʻlidagi
oʻrni, harbiy leksikologiya masalalariga alohida toʻxtalib, fikr va mulohazalar
bildirib oʻtdi.
Tadbir davomida “Shon-sharaf” Davlat muzeyi boʻylab ekskursiya tashkil etildi.
uzbi.uz