- Bosh sahifa
- Yangiliklar
- Vatan bayrog‘i – hurlik va tinchlik timsoli
Vatan bayrog‘i – hurlik va tinchlik timsoli
18-noyabr
– O‘zbekiston Respublikasining “Davlat bayrog‘i to‘g‘risida”gi qonuni qabul qilingan kun.
O‘zbekiston
Respublikasi Davlat bayrog‘i qabul qilinganligining o‘ttiz yilligi munosabati
bilan Mudofaa sanoati davlat qo‘mitasida “Muqaddasdir Vatan bayrog‘i” mavzusida
maʼnaviy-madaniy tadbir o‘tkazildi.
Qo‘mita raisining
maslahatchisi Qahramon Kamolov tadbir ishtirokchilariga O‘zbekiston
Respublikasi Davlat bayrog‘i qabul qilinishi, uning sxematik va rangli tasviri,
shaklu-shamoyili, qonun bilan Davlat bayrog‘i doimiy ravishda ko‘tarilishi
shart qilib ko‘rsatilgan obyektlar, tashrif obyektlari, umummilliy bayram va
tantanali tadbirlar, xalqaro sport musobaqalari g‘oliblarini mukofotlash
marosimi, qolaversa Davlat bayrog‘i tasviri tushirilgan belgilarni transport
vositalariga o‘rnatish tartibi to‘g‘risidagi qiziqarli va aniq faktlarga
asoslangan maʼlumotlarni yetkazdi.
Tadbirda qo‘mita ijro
apparati xodimlari Nargiza Abduvaliyeva, Daulet Ametov va Madina Mirvakulovalar
maʼruza qilib, Davlatimiz bayrog‘i tinch va osoyishta, ozod hamda erkin hayotimiz,
yorug‘
kelajagimizga bo‘lgan ishonchimiz timsoli ekanligini, davlat ramzlarining muqaddasligini,
ular bizga yurt manfaati har nedan ustunligini anglatib, eslatib turishini har
doim yodda tutish lozimligini, O‘zbekiston farzandlari qayerda bo‘lmasin,
qanday natijalarga erishmasin Vatan bayrog‘ini ardoqlashi, sababi bayroq –
hurlik timsoli, ezgulik, tinchlik ramzi ekanligini alohida taʼkidlab o‘tdilar.
Tadbir davomida qo‘mita
ijro apparatining boshqa xodimlari ham o‘z fikrlari bilan o‘rtoqlashdilar.
Tadbir yakunida Qo‘mitaning barcha xodimlariga xizmat faoliyatlari davomida
foydalanishlari uchun qulay shaklda tayyorlangan “O‘zbekiston Respublikasining Davlat
bayrog‘i to‘g‘risida”gi Qonuni tarqatib berildi.
Mudofaa sanoati davlat qo‘mitasi
Matbuot
xizmati