- Bosh sahifa
- Yangiliklar
- Sog‘liqni saqlash tizimida davlat tilida ish yuritish holati o‘rganildi
Sog‘liqni saqlash tizimida davlat tilida ish yuritish holati o‘rganildi
O‘zbek
tilining davlat tili sifatidagi nufuzi va mavqeyini oshirish hamda davlat tili
to‘g‘risidagi qonun hujjatlariga rioya etilishini ta’minlash borasida sog‘liqni
saqlash tizimida qator vazifalar amalga oshirib kelinmoqda.
Xususan,
davlat tiliga doir qonun hujjatlarining mazmun-mohiyatini tushuntirish, targ‘ib
qilish, xodimlarga davlat tilini chuqur o‘rganishlari uchun zarur
shart-sharoitlar yaratish bo‘yicha tizimli ishlar olib borilmoqda. Ushbu
yo‘nalishdagi vazifalar ijrosi yuzasidan bugun Respublika Ma’naviyat va
ma’rifat markazi tuman bo‘linmasi mas’ul xodimlari bilan hamkorlikda tuman
tibbiyot birlashmasida monitoring o‘tkazildi. O‘rganishlar jarayonida,
birlashmada ma’naviy-ma’rifiy ishlar va davlat tili to‘g‘risidagi qonun
hujjatlariga rioya etilishi bo‘yicha belgilangan talablar asosida faoliyat
tashkil etilganligi kuzatildi.
Tizimda
ish yuritishni davlat tilida tashkil etish va davlat tili to‘g‘risidagi qonun
hujjatlari talablariga rioya qilinishi yo‘lga qo‘yilgan bo‘lsada, ammo ayrim
xato va kamchiliklar mavjudligi aniqlandi. O‘rganish tahlillari asosida
kelgusida amalga oshirilishi lozim bo‘lgan aniq vazifalar belgilab olindi.
Jumladan, birlashmaning ma’muriy hududidagi barcha tashqi yozuvlar, lavhalar,
e’lonlar va ko‘rgazmali boshqa axborot matnlarining davlat tili to‘g‘risidagi
qonun hujjatlari talablariga muvofiq, lotin yozuviga asoslangan o‘zbek
alifbosida yozilishi zarurligi ko‘rsatib o‘tildi.
Yusuf NASULLAYEV
Vobkent
tumani hokimi maslahatchisi