Navoiyda bayram tadbirlari boʻlib oʻtmoqda

Qiziltepa tumanidagi umumtaʼlim maktablarida “Qadring baland boʻlsin, ona tilim” shiori ostida bayram tadbirlari boʻlib oʻtmoqda.

“Davlat tili haqida”gi qonun qabul qilinganligining 33 yilligi hamda “21-oktabr - Oʻzbek tili bayrami kuni” munosabati bilan umumtaʼlim maktablarida “Qadring baland boʻlsin, ona tilim” shiori ostida “Ona tilim mangu yashaydi” mavzusida tadbirlar boʻlib oʻtmoqda.

Tadbirda jamoatchilik vakillari, mahalla fuqarolar yigʻinlari, oʻqituvchi-pedagoglar, ijodkor yoshlar, havaskor shoirlar hamda umumtaʼlim maktablari oʻquvchilari ishtirok etishmoqda.

Tadbirlar davomida buyuk ajdodlarimizning gʻazal va sheʼrlaridan namunalar oʻqilib, badiiy asarlaridan sahna koʻrinishlari namoyish etilmoqda.