- Bosh sahifa
- Yangiliklar
- Oʻzbek adabiyotshunos olimi Chingiz Aytmatov nomidagi mukofot bilan taqdirlandi
Oʻzbek adabiyotshunos olimi Chingiz Aytmatov nomidagi mukofot bilan taqdirlandi
Alisher Navoiy nomidagi Toshkent davlat oʻzbek tili va
adabiyoti universiteti rektori, filologiya fanlari doktori, professor Shuhrat
Sirojiddinovga Chingiz Aytmatov nomidagi mukofotni berish toʻgʻrisida MDH PA
Kengashining qarori qabul qilindi.
Yalpi majlisda olimga mukofotni Qirgʻiziston
Respublikasi delegatsiyasi rahbari Nurlanbek Shakiyev topshirdi.
Shuhrat Sirojiddinov matnshunoslik va
adabiyotshunoslik sohasida yirik olim sifatida tanilgan, oʻzbek mumtoz
adabiyoti, dinshunoslik va tarjima nazariyasiga oid qator ilmiy asarlariga ega.
Yozuvchi 140 dan ortiq ilmiy maqolalar, 16 ta monografiya va oʻquv
qoʻllanmalari muallifi hisoblanadi.
Chingiz Aytmatov nomidagi mukofot Qirgʻiziston
Respublikasi Jogorku Keneshi taklifi bilan 2012-yil noyabr oyida
taʼsis etilgan. Mukofot har yili madaniyat, maʼrifat sohasidagi xizmatlari,
gumanitar fanlar, adabiyot va sanʼat rivojiga, madaniy merosni oʻrganish va
asrab-avaylash, madaniyatlar, millatlar hamda elatlarni yaqinlashtirish va
oʻzaro boyitish, tinchlik va doʻstlikni mustahkamlashga, shuningdek, davlatlar
oʻrtasidagi maʼnaviy aloqalarni rivojlantirishga qoʻshgan hissa uchun beriladi.