Jizzax viloyati hokimligi rahbar-xodimlari malaka oshirishda

    Shu kunlarda O‘zbekiston  Respublikasi Vazirlar Mahkamasining 2021-yil 10-fevraldagi “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi 61-son qarorining ijrosini ta’minlash masalasi har doimgidan ham dolzarb bosqichga kirdi. Vazirlik va idoralar, mahalliy ijro etuvchi hokimiyat organlari va xo‘jalik birlashmalarining rahbar-xodiimlari, Davlat tilida ish yuritish asoslarini o‘qitish  va malaka oshirish markazi Jizzax viloyati hududiy bo‘linmasida lotin yozuviga asoslangan o‘zbek alifbosini o‘rganish bilan birgalikda “O‘zbek adabiy tili me’yorlari va davlat tilida ish yuritish” o‘quv kurslarida o‘z malakalarini oshirmoqda.