- Bosh sahifa
- Yangiliklar
- Farg‘onada Ma’naviyat va davlat tilini rivojlantirish masalalari departamenti mudiri rahbarligida yig'ilish bo‘lib o‘tdi
Farg‘onada Ma’naviyat va davlat tilini rivojlantirish masalalari departamenti mudiri rahbarligida yig'ilish bo‘lib o‘tdi
Ahmad Farg‘oniy nomidagi axborot-kutubxona markazida
viloyat, tuman, shahar hokimlarining ma'naviy-ma'rifiy ishlar samaradorligini
oshirish, davlat tili to‘g‘risidagi qonun hujjatlariga rioya etilishini ta’minlash
masalalari bo'yicha maslahatchilari ishtirokida yig‘ilish tashkil qilindi.
Mazkur yig‘ilishda O'zbekiston Respublikasi Vazirlar Mahkamasining Ma'naviyat va davlat tilini rivojlantirish masalalari departamenti mudiri S.S.Shukurov qatnashib, “Davlat tili haqida”gi, “Reklama to‘g‘risida”gi hamda "Geografik obyektlarning nomlari to'g'risida"gi Qonunlarning ijrosini ta'minlash yuzasidan hududlarda olib borilishi lozim bo'lgan vazifalar hamda bugungi kunda mas'ullar tomonidan yo'l qo'yilayotgan kamchiliklar masalasiga to'xtalib o'tdi.
Shuningdek, S.S.Shukurov mutasaddilarga (nomsiz)
mahallalar, ko‘chalar, maydonlar va xiyobonlarga nom berish va ularning nomini
o'zgartirish bilan bog'liq jarayonlarni yanada jadallashtirish;
- tashqi yozuvlar (peshlavha, reklama va boshqa
e’lon, axborot matnlari) to'liq lotin yozuviga asoslangan o'zbek alifbosida
hamda davlat tilida yoritilishini ta'minlash bo'yicha targ'ibot ishlarini
kuchaytirish;
- davlat organlari, xo'jalik birlashmalari, ayniqsa ta'lim muassasalarida ma'naviy-ma'rifiy ishlar samaradorligini oshirish borasidagi ishlar holatini doimiy nazoratga olish, shu bilan birga ular faoliyatiga yaqindan ko'maklashish yuzasidan bir qator topshiriqlar berdi.
Yig‘ilish so’nggida tuman, shahar hokimlarining
ma'naviy-ma'rifiy ishlar samaradorligini oshirish, davlat tili to'g'risidagi
qonun hujjatlariga rioya etilishini ta'minlash masalalari bo'yicha
maslahatchilari uchun "Til, dunyoqarash va layoqat" mavzusida maxsus
seminar-trening tashkil qilindi.
S.Tongotarova,
Farg‘ona viloyati hokimining maslahatchisi