Tadbirkorlarga tushuntirish ishlari olib borildi

Karmana tumanidagi M-37 avtomagistral yo‘lida hamda "Navoiy" ko‘chasida o‘rnatilgan reklamalarning O‘zbekiston Respublikasining “Davlat tili to‘g‘risida”gi hamda “Reklama to‘g‘risida”gi Qonunlari talablariga mosligini o‘rganish bo‘yicha tuman hokimi maslahatchisi B.Xamrayev hamda Ma’naviyat va ma’rifat  tuman bo‘limi rahbari D.Muxamedov bilan hamkorlikda  reyd tadbirlari tashkil etildi.

 Tadbir davomida “Davlat tili to‘g‘risida”gi qonun talablariga mos kelmaydigan turli targ‘ibot vositalari va reklama bannerlari aniqlanib, ularni qonunchilik talablari asosida yozilishini ta’minlash choralari ko‘rildi. Shuningdek, bu borada tadbirkorlarga tushuntirish ishlari olib borildi.