- Bosh sahifa
- Yangiliklar
- Yakkasaroyda tashqi reklama va e’lonlar holati o‘rganilmoqda
Yakkasaroyda tashqi reklama va e’lonlar holati o‘rganilmoqda
Yurtimizda ona tilimiz – o‘zbek tilini asrash, uni
kelajak avlodlarga sof tarzda yetkazish borasida keng ko‘lamli chora-tadbirlar
amalga oshirilmoqda.
Davlatimiz rahbari tashabbusi bilan o‘zbek tilining
davlat tili sifatidagi nufuzi va mavqeini yuksaltirish maqsadida hokimlarning
maʼnaviy-maʼrifiy ishlar samaradorligini oshirish, davlat tili to‘g‘risidagi
qonun hujjatlariga rioya etilishini taʼminlash masalalari bo‘yicha
maslahatchisi lavozimi joriy etildi.
Ayni paytda ular hududlarda davlat tilini rivojlantirish, qonun hujjatlariga rioya etilishi ustidan monitoring olib borgan holda davlat tili qoidalarining buzilishi bilan bog‘liq holatlarni muntazam va har tomonlama o‘rganib, aniqlangan kamchiliklarni bartaraf etmoqda. Xususan, Yakkasaroy tumanida ham.
Kuni kecha Yakkasaroy tuman hokimining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yicha maslahatchisi Nigora Umarova tumandagi Abdulla Qahhor 6-tor ko‘chasida joylashgan xizmat ko‘rsatish shaxobchalari va savdo do‘konlarining reklama, e’lonlar holati o‘rgandi.
O‘rganish davomida tadbirkorlik subyektlarga “Reklama
to‘g‘risida”gi qonunning mazmun mohiyati tushuntirilib, ularga tashqi reklama yozuvlarini davlat tilida
yozilishi kerakli haqida tushuntirishlar olib borilib, savdo obyektlarining
nomlari, davlat tilida yozilishi bo‘yicha ogohlantirish xatlari berildi.