- Bosh sahifa
- Yangiliklar
- Sayyor seminar bo‘lib o‘tdi
Sayyor seminar bo‘lib o‘tdi
Joriy yilning 1-dekabr kuni “Ammofos-Maxam” AJda
“O‘zkimyosanoat” AJ tizimida maʼnaviy-maʼrifiy ishlar samaradorligini oshirish,
davlat tili to‘g‘risidagi qonun hujjatlariga rioya etilishini taʼminlash,
xotin-qizlar boshlang‘ich tashkiloti faoliyatini qo‘llab-quvvatlash, matbuot
xizmatlari va kasaba uyushmasi faoliyatini muvofiqlashtirish masalalari
bo‘yicha sayyor seminar-trening o‘tkazildi. Shuningdek, seminarda
korxona-tashkilot rahbarlarining yoshlar masalalari bo‘yicha maslahatchilari
faoliyati va amalga oshirilgan ishlar tahlil qilindi.
Seminarda Vazirlar Mahkamasining Maʼnaviyat va davlat
tilini rivojlantirish masalalari departamenti masʼul xodimi, “O‘zkimyosanoat”
AJ tarmoq korxonalarining maʼnaviy-maʼrifiy ishlar samaradorligini oshirish,
davlat tili to‘g‘risidagi qonun hujjatlariga rioya etilishini taʼminlash
masalalari bo‘yicha rais maslahatchilari, yoshlar yetakchilari, xotin-qizlar
boshlang‘ich kengashi raislari, kasaba uyushma qo‘mitalari raislari hamda
matbuot kotiblari ishtirok etdi.
Sayyor seminar-mashg‘ulotda Departament masʼul xodimi
Rustam Tursunov ishtirok etib, bugungi Uchinchi Renessans poydevorini
yaratishdek zalvorli davrda davlat tiliga bo‘lgan eʼtibor, uning nufuzini
oshirish yo‘lida ilgari surilayotgan islohotlarni haqida alohida taʼkidladi. Shuningdek, o‘zbek tilining
tarixiy taraqqiyoti, sayqal topib borgani, Birinchi va Ikkinchi Renessans
davlaridagi o‘rni va ahamiyati haqida gapirib o‘tdi.
Bundan tashqari, seminarda Respublika Maʼnaviyat va
maʼrifat markazi masʼul xodimi Ziyoda Akbarqulova ham ishtirok etib, katta
shodiyona bilan nishonlanishi kutilayotgan O‘zbekiston Respublikasi
Konstitutsiyasi hamda O‘zbekiston Respublikasi
Davlat Madhiyasi 30 yilligi munosabati bilan nutq so‘zladi.
“O‘zkimyosanoat” AJ boshqaruvi raisi maslahatchisi
Sanobar Abdurahmanova seminar so‘nggida joriy yilning o‘tgan davri mobaynida
sohada olib borilgan amaliy ishlar, yutuqlar, kamchiliklar, tahlillarga
to‘xtalib o‘tdi. Shuningdek, maʼnaviy-maʼrifiy ishlar samaradorligini oshirish,
davlat tili to‘g‘risidagi qonun hujjatlariga rioya etilishi yuzasidan yaqin
hamkorlik olib borgani, amaliy ko‘mak bergani uchun seminar ishtirokchilariga
samimiy minnatdorchiligini bildirdi.