- Bosh sahifa
- Yangiliklar
- Vobkent tumanida 9 oy davomida 152 ta peshlavhalar tartibga keltirildi
Vobkent tumanida 9 oy davomida 152 ta peshlavhalar tartibga keltirildi
Joriy yilning 9 oyi davomida tumanda O‘zbekiston Respublikasining “Davlat
tili haqida”gi va “Reklama to‘g‘risida”gi qonun talablari buzilishi bilan
bog‘liq holatlarning oldini olish bo‘yicha bir qator chora-tadbirlar amalga
oshirildi.
Jumladan tuman hokimining tegishli farmoyishi bilan ishchi guruhi tarkibi
tuzilib, hozirga qadar 476 dan ortiq tadbirkorlik subyektlari, xizmat
ko‘rsatish obyektlari, korxona va tashkilotlardagi peshlavhalar, narxnomalar va
e’lonlar, ayniqsa aholi gavjum joylar, bozorlar, savdo rastalari, mahalla
guzarlari, ko‘chalardagi panno va bannerlar, lavhalardagi yozuv va
tasvirlarning davlat tili qoida-me’yorlariga mos emasligi holati birma-bir
o‘rganildi. O‘rganishlar mobaynida til qoidalariga mos kelmaydigan 152 ta
peshlavhalar tartibga keltirilib, qonun talablariga mos kelmagan 114 ta reklama-bannerlar
esa olib tashlandi.
Bundan tashqari davlat ahamiyatidagi avtomobil yo‘lining chetida
o‘rnatilgan bir hududdan boshqa bir hududga o‘tganligini bildiruvchi peshlavhalarning
yaroqliligi va ulardagi yozuvlarning lotin yozuvida xatosiz, davlat tilida
ifodalanganligi o‘rganildi. Natijada 4 ta holat bo‘yicha aniqlangan
kamchiliklar tegishli tashkilotlar bilan birgalikda bartaraf etildi.
Shuningdek, tumanda yil boshidan hozirga qadar 482 ta Yakka tartibdagi
tadbirkorlik faoliyati bilan shug‘ullanadigan tadbirkorlar turli nomlar bilan
Davlat xizmatlari markazi tomonidan ro‘yxatdan o‘tgan. Hozirda kelib
tadbirkorlar bilan davlat tili qoida va me’yorlariga muvofiq keladigan, obyektlarga
qo‘yish tavsiya etiladigan nomlar tanlanib tartibga keltirilmoqda.
O‘rganishlar davom etmoqda.
21-oktabr bayram arafasida tumanni namuna bo‘ladigan darajada tayyorlashga
barcha kuch va imkoniyatlarimizni safarbar etamiz.
Yusuf NASULLAYEV,
Vobkent tumani hokimining maslahatchisi