- Bosh sahifa
- Yangiliklar
- Sherzod Shermatov xalqaro konferensiyada o‘zbek tilida gapirdi
Sherzod Shermatov xalqaro konferensiyada o‘zbek tilida gapirdi
Bugun Innovatsion
rivojlanish vazirligida «InnoWeek.uz-2021» innovatsion g‘oyalar haftaligi
doirasida «Sun’iy intellekt - texnologik rivojlanish asosi» mavzusida xalqaro
konferensiya bo‘lib o‘tdi.
Xalqaro anjumanda ishtirok
etgan axborot texnologiyalari va kommunikatsiyalarni rivojlantirish vaziri
Sherzod Shermatov o‘zbek tilida ma’ruza qildi, deya xabar bermoqda
"Oyina.uz" muxbiri Inobat Ahatova.
Vazir nutqi avvalida ma’ruza
boshqa tillarga sinxron tarjima qilinishini aniqlashtirib, tasdiq javobini
olgach, to‘liq o‘zbek tilida chiqish qildi.
«Sun’iy intellekt qiyin
vazifaga o‘xshab ko‘rinadi. Lekin biz hozir u bilan shug‘ullanmasak ertaga kech
bo‘lib qolishi mumkin.
Umid qilamanki, bugungi konferensiyada mutaxassislarimiz
sun’iy intellektni ijobiy tomonlarini ham, salbiy tomonlarini ham, imkoniyat va
xavflarini ham tahlil qilib beradi. O‘zbekistonda bu yo‘nalishdagi ishlar
boshlangan, tegishli qarorlar qabul qilingan», dedi vazir.
Shuningdek, Shermatov axborot
texnologiyalari va kommunikatsiyalarni rivojlantirish vaziri sifatida ish
boshlaganiga endigini bir hafta bo‘lgani haqida gapirdi. U xalq ta’limi
vaziri sifatida ishlayotgan vaqtda maktablardagi test imtihonlarida
ko‘chirmakashlikni oldini olishga qaratilgan tizim ishlab chiqilgani va
uni qo‘llanishni boshlamoqchi bo‘lganini yodga oldi.
Konferensiyada Sherzod
Shermatovdan so‘ng so‘zga chiqqan Innovatsion rivojlanish vazir
o‘rinbosari Shahlo Turdiqulova va xorijlik mutaxassislar o‘z ma’ruzalarini to‘liq
rus va ingliz tilida olib bordi.
Oyina.uz