- Bosh sahifa
- Yangiliklar
- MO‘JIZA EMASDIR FALAKDA OFTOB, MO‘JIZA ASLIDA BEMINNAT KITOB
MO‘JIZA EMASDIR FALAKDA OFTOB, MO‘JIZA ASLIDA BEMINNAT KITOB
Iqtisodiy taraqqiyot va kambag‘allikni qisqartirish vazirligida Vazirlar Mahkamasining 2020-yil 14-dekabrdagi 781-son qaroriga binoan “Kitobxonlik haftaligi” doirasida 29-aprel kuni “Kitob – kamolot ko‘zgusi” mavzusida kitoblar ko‘rgazmasi bo‘lib o‘tdi. Unda “O‘zbekiston”, “G‘afur G‘ulom”, “Sharq”, “O‘zdavkitobsavdota’minot” nashriyotlar 3000 dan ortiq yangi kitoblar bilan qatnashdi.
Iqtisodiy
taraqqiyot va kambag‘allikni qisqartirish vazirning maslahatchisi v.v.b. Obiddin Maxmudov
tadbirni ocharkan, hozirgi kunda mamlakatimizda ma’naviy-ma’rifiy sohani rivojlantirishga, adabiyot va san’atni
qo‘llab-quvvatlashga alohida e’tibor qaratilayotganligi va bu davlat siyosati
darajasida amalga oshirilayotganligi yuzasidan o‘z fikrlarini bildirdi.
Tadbirga taklif etilgan mehmonlar kitob, ma’rifat bilan
bog‘liq xotiralarini so‘zlab berdilar.
— Insonning
ma’naviy kamolotini ta’minlashda kitob singari kuchli qudratga ega vosita yo‘q.
Jaloliddin Rumiy aytganidek, mo‘jiza emasdir falakda oftob, mo‘jiza aslida
beminnat kitob. Azaldan ma’rifat peshvolari odamlarni kitob o‘qishga, undan ilm
olishga, odob sirlarini o‘rganishga chorlab kelishgan, deydi — Vazirlar Mahkamasining Ma’naviyat va davlat tilini rivojlantirish
masalalari departamenti mas’ul xodimi Rustam Mirvohidov. — Talabalik
davrimda duch kelgan turli qiyinchiliklar keyinchalik mening ijodimda,
she’rlarimda asosiy qahramonlar bo‘lib gavdalandi. Bu meni o‘z o‘quvchilarimga
tanilishimga yordam bergan.
Ko‘rgazma doirasida “Men jamoamga kitob sovg‘a
qilaman” xayriya aksiyasi o‘tkazildi. Unda departamentlar, mustaqil boshqarma
va bo‘limlar tomonidan 200 dan ortiq turli mazmundagi kitoblar xarid qilinib,
vazirlik kutubxonasiga taqdim etishdi. Shuningdek, tadbir davomida xodimlarga
mantiqiy savollar ham berilib, to‘g‘ri javob berganlarga kitoblar sovg‘a
qilindi.
Tadbirda O‘zbekiston
Yozuvchilar uyushmasi a’zosi Farog‘at Xudoyqulova o‘zining maftunkor ijod namunalari
bilan barchani qalbiga xushnudlik bag‘ishladi. Shundan so‘ng, so‘zga
chiqqan Monopoliyaga qarshi kurashish qo‘mitasi raisining ma’naviy-ma’rifiy
ishlar samaradorligini oshirish, davlat tili to‘g‘risidagi qonun hujjatlariga
rioya etilishini ta’minlash masalalari bo‘yicha maslahatchisi Go‘zal Qodirova
esa bu kabi tadbirlar kitobxonlikni targ‘ib qilish, o‘quvchilar soni oshishiga
xizmat qilishi, ishda va har bir oila ma’naviy dunyoqarashini mustahkamlashda
muhim ahamiyat kasb etishini ta’kidlab o‘tdi.
Kitobxonlik madaniyatini rivojlantirishga yo‘naltirilgan
ko‘rgazma o‘zgacha shukuhda, yuqori kayfiyatda o‘tkazildi va yig‘ilganlarda
o‘zgacha taassurot qoldirdi. Yig‘ilganlar e’tiboriga xattotlik san’ati
namunalari hamda kitobxonlikni targ‘ib qiluvchi video roliklar namoyish
etildi.
Vazirlik ma’naviyat va
ma’rifat kengashi,
Axborot xizmati.