- Bosh sahifa
- Yangiliklar
- “Maʼnaviyat” asosiy tushunchalar lug‘atining taqdimoti o‘tkazildi
“Maʼnaviyat” asosiy tushunchalar lug‘atining taqdimoti o‘tkazildi
16-iyul
kuni Ichki ishlar vazirligining Madaniyat saroyida Respublika maʼnaviyat va
maʼrifat markazi tomonidan nashr qilingan “Maʼnaviyat” asosiy tushunchalar
lug‘atining taqdimoti bo‘lib o‘tdi.
Unda
Ichki ishlar organlari hamda Respublika maʼnaviyat va maʼrifat markazi
xodimlari ishtirok etdi. Markaz rahbari Minhojiddin
Hojimatov so‘zga chiqib, kitob falsafiy qarashlar, chuqur tahliliy
yondashuvlar, aniq manbalarga tayangan holda yaratilgani va o‘quvchi
tafakkurini yanada oshishiga xizmat qilishi bilan ahamiyatli ekanini bildirdi.
–
Haqiqiy ilmga maʼnaviyat orqali erishiladi, – dedi o‘z nutqida Minhojiddin Mirzo.
– Kitobga bo‘lgan muhabbat, eng avvalo, vatanga, oilaga bo‘lgan muhabbatdir.
Bugun olimlarimiz, shoir-u yozuvchilarimiz qatorida yosh, izlanuvchan
tadqiqotchilarimiz ham xalqimiz, qolaversa, yoshlarimizning ilm-maʼrifatli
bo‘lishlarida o‘z hissalarini qo‘shmoqda. Ularni ilm-ziyo, maʼnaviyat
targ‘ibotchilari desak, mubolag‘a bo‘lmaydi. Shu jumladan, mazkur kitob
mualliflari ham shunday sharafli nomga loyiq.
Kitob
mualliflaridan biri – falsafa fanlari doktori, professor Qiyomiddin Nazarov
mazkur kitob keyingi yillarda mamlakatimizda milliy qadriyatlarimizni tiklash,
yurdoshlarimizning maʼnaviy olamini yuksaltirish yo‘lida amalga oshirilayotgan
ishlarning yana bir amaliy natijasi ekanligini taʼkidlab, u barcha soha
xodimlari uchun muhim va tarixiy qo‘llanma ekanligini aytib o‘tdi.
Tadbir
yakunida “Maʼnaviyat” asosiy tushunchalar lug‘ati Ichki ishlar vazirligi
kutubxonasiga topshirildi.