- Bosh sahifa
- Yangiliklar
- Vobkentda "Reklama tog'risida”gi Qonunning ijrosi ta'minlanmoqda
Vobkentda "Reklama tog'risida”gi Qonunning ijrosi ta'minlanmoqda
O‘zbekiston Respublikasi Vazirlar Mahkamasining “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash to‘g‘risida”gi 2021-yil 10-fevraldagi 61-sonli qaror hamda Oʻzbekiston Respublikasining 2022-yil 7-iyundagi OʻRQ-776-son “Reklama toʻgʻrisida”gi Qonunning ijrosini ta’minlash maqsadida Buxoro viloyati Vobkent tuman hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi I.Xalilov hamda tuman hokimligi axborot xizmati bilan hamkorlikda tumandagi “Shifokor” va “Charmgaron” mahallasi hududida joylashgan tadbirkorlik subyektlari, xizmat ko‘rsatish sektorlarida tashqi reklama va bannerlarning qonun talabiga hamda milliy qadriyatlarga mosligi o‘rganildi.
Ma’nan eskirgan, yaroqsiz holga kelib qolgan, imloviy xatoliklari mavjud hamda davlat tili qoidalariga rioya qilinmagan tashqi reklamalari boʻyicha tadbirkorlik subyektlari bilan tushuntirish ishlari olib borildi.
Jumladan,
peshlavha, e’lon va boshqa turdagi axborot vositalari “Davlat tili haqida”gi
Qonun talablariga moslashtirish bo‘yicha tuman hokimining ogohlantirish xatlari
berilib reklama lavhalarini almashtirish bo‘yicha muddatlar belgilandi.
O‘rganishlar davom etmoqda...
Vobkent tuman hokimligi Matbuot xizmati.