REKLAMA VOSITALARINING O‘ZBEK TILIGA MUVOFIQLIGI TA’MINLANADI: “Dolzarb 5 kunlik”

O‘zbekiston Respublikasining “Reklama to‘g‘risida” yangi tahrirdagi Qonuni 6-moddasining joylardagi tushuntirish-targ‘iboti davom etmoqda.

        Qashqadaryo viloyati Shahrisabz shahar hokimining davlat tili masalalari bo‘yicha maslahatchisi F.Axmedova boshchiligida Respublika Ma’naviyat va ma’rifat markazi shahar bo‘linmasi hamda “Tasviriy oyina” ijodiy uyushmasi shahar bo‘limi bilan hamkorlikda tashqi reklama obyektlarining davlat tiliga muvofiqligini ta’minlash ishlari olib borilmoqda. Ishchi guruh a’zolari tomonidan o‘tkazilayotgan “Dolzarb 5 kunlik” doirasida “Olchazor Aziya” savdo majmuasi hududi bo‘ylab o‘tkazilgan tushuntirish-targ‘ibot ishida 26 nafar tadbirkorlik subyektlariga ko‘rsatmaviy murojaat xatlari taqdim etildi.