"Dunyodagi qadimiy va boy tillardan biri boʻlgan oʻzbek tili xalqimiz uchun milliy oʻzligimiz va mustaqil davlatchiligimiz timsoli, bebaho maʼnaviy boylik, buyuk qadriyatdir." O'zbekiston Respublikasi Prezidenti Shavkat Mirziyoyev
16:48:21 (GMT +5) 30.01.2020 Du
  • Bosh sahifa
  • Yangiliklar
  • Innovatsion rivojlanish vazirligida Isajon Sulton ijodiga bagʻishlangan tadbir tashkil qilindi

Innovatsion rivojlanish vazirligida Isajon Sulton ijodiga bagʻishlangan tadbir tashkil qilindi


Yaqinda Turkiyaning Bursa shahrida Turk til qurumi, Turk davlatlari kengashi, Turkiya madaniyat va turizm vazirligi, Otaturk nomidagi madaniyat, tarix va til yuksak qurumi tomonidan o‘tkazilgan “Tilda, fikrda, ishda birlik – turkiy dunyo adabiyot (roman) mukofotlari” tanlovida  O‘zbekiston xalq yozuvchisi Isajon Sultonning  “Bilga xoqon” asari  g‘oliblar qatoridan oʻrin olgan edi.


Innovatsion rivojlanish vazirligida Isajon Sulton ijodiga bagʻishlangan tadbir tashkil qilindi. Tadbirda soʻzga chiqqan Vazirlar Mahkamasining Ma’naviyat va davlat tilini rivojlantirish masalalari departamenti mudiri Shukurov Sobir Sayfiyevich davlatimiz tomonidan ijodkorlarga qilinayotgan e’tibor, yaratilayotgan sharoitlar, jumladan, yosh ijodkorlarga uy-joy ajratilayotgani xususida gapirib, Isajon akaning yutugʻi ham ana shu e’tiborning natijasi ekanligini ta’kidladi. Adib ijodi haqida to’xtalib, tarixiy mavzudagi asarlari bilan tariximizning oʻrganilmagan sahifalarini ochib berayotgani, “Navoiy”, “Ma’suma”, bugun e’tirof etilayotgan “Bilga xoqon” asarlari aynan vatan uchun, millat taqdiri uchun qaygʻurgan allomalar, buyuk zotlar hayotiga bagʻishlanganini aytib oʻtdi.


Tadbir soʻnggida adibning yutugʻi qimmatbaho sovgʻalar bilan, milliy chopon kiydirish orqali e’tirof etildi.

06.10.2022 435