- Bosh sahifa
- Yangiliklar
- 21-oktabr – O‘zbek tili bayrami kuni!
21-oktabr – O‘zbek tili bayrami kuni!
Shahrisabz shahar hokimligi hamda Respublika Ma’naviyat va ma’rifat markazi shahar bo‘linmasi bilan hamkorlikda Axborot-kutubxona markazi xodimlari va kitobxonlar o‘rtasida 21-oktabr – “O‘zbek tili bayrami kuni” munosabati bilan ma’naviy-ma’rifiy muloqot tashkil etildi.
Unda shahar hokimining davlat tili masalalari bo‘yicha maslahatchisi F.Axmedova hamda RMMM shahar bo‘linmasi rahbari L.Abdullayevalar ona tilimiz tarixi va uning bugungi mavqeyi haqida fikr yuritdilar.
Muloqot davomida 2020-yilning 10-aprelida
Prezidentimiz tomonidan imzolangan “Oʻzbek tili
bayrami kunini belgilash toʻgʻrisida”gi Oʻzbekiston Respublikasi Qonuni alohida tilga olindi.
Boisi, mazkur Qonunning qabul qilinishi nafaqat yurtimiz, balki butun dunyodagi
50 milliondan ortiq oʻzbeklar
va ona tilimiz ixlosmandlarini birdek quvontirdi. Ahamiyatlisi, “Oʻzbek tili bayrami kunini belgilash toʻgʻrisida”gi Oʻzbekiston
Respublikasi Qonunining millatimiz fidoyisi Аbdulla Qodiriy tavallud kunida qabul qilinishi
xalqimiz dilidagi katta bir orzuning amaldagi ro‘yobi bo‘ldi. Mana uch
yildirki, 21-oktabr mamlakatimizda Oʻzbek tili
bayrami kuni sifatida keng nishonlanib kelinmoqda. Bu esa ona tilimizning
tantanasi, millatimiz ruhi va ma’naviyatining,
milliy anʼanalarimizning yuksak
tarannumidir.