- Bosh sahifa
- Yangiliklar
- Yangihayotda qonun ijrosi bo‘yicha yangiliklar ko‘rinmayapti
Yangihayotda qonun ijrosi bo‘yicha yangiliklar ko‘rinmayapti
Shu yilning 9-sentabr kunidan yangi tahrirdagi “Reklama to‘g‘risida”gi
Qonun kuchga kirgan bo‘lsa-da, bunga masʼul bo‘lgan
idoralar tomonidan deyarli hech qanday amaliy ish qilinmayapti. “Milliy
tiklanish” demokratik partiyasi qoshida tashkil qilingan “Til posbonlari”
jamoatchilik nazorati guruhi yaqinda Yangihayot tumanida bo‘lib, shunday
xulosaga keldi.
Guruh yer usti metrosining bekatlari, bozorlar, savdo va xizmat ko‘rsatish
do‘konlari, o‘quv markazlari, xususiy maktabgacha taʼlim
tashkilotlarida bo‘lib, qonun talablariga qanchalik amal qilinayotgani bilan
tanishdi.
Tashqi reklamalar, peshlavhalarning boshqa
tillarda yozilganiga o‘rganib ham qolganmiz. Ularning imloviy xatolar bilan
yozilganini ham tushunish mumkin. Lekin yoshlarning bilimini oshirish bilan
shug‘ullanuvchi o‘quv markazlari peshlavhalaridagi imloviy xatolarni hech narsa
bilan oqlab bo‘lmaydi, – deydi partiya Markaziy kengashi bosh mutaxassisi
Nodirbek Murodov.
O‘rganishlar davomida do‘kon, o‘quv markazlari,
MTT vakillariga “Reklama to‘g‘risida”gi Qonun mazmun-mohiyati, belgilangan
javobgarliklar haqida maʼlumotlar berildi. To‘g‘ri va bexato yozish
qoidalari bo‘yicha tushuntirish ishlari olib borildi.
“Til posbonlari” jamoatchilik nazorati guruhi
faoliyatini davom ettirmoqda. Keyingi hudud – Sirg‘ali tumani bo‘ladi.