O‘zbekistonda barcha import qiluvchilar mahsulot maʼlumotlarini o‘zbek tilida ko‘rsatishlari shart

  O‘zbekiston hukumati Jahon savdo tashkilotiga aʼzo bo‘lishga urunishlari ortidan normativ-huquqiy hujjatlarni JST qoidalariga muvofiqlashtirish maqsadida o‘zgartirishlar kiritdi. Shunga doir qaror bilan O‘zbekistonda barcha import qiluvchilar mahsulot maʼlumotlarini lotin alifbosidan foydalangan holda o‘zbek tilida ko‘rsatishlari shart, etib belgilandi.

    Yaʼni Hukumat qaroriga ko‘ra, davlat tilida markirovka qilinishi shart bo‘lgan import qilinadigan isteʼmol tovarlari ishlab chiqaruvchining vakolatli shaxsi va import qiluvchilar tomonidan ham amalga oshirilishi belgilandi (ilgari faqat ishlab chiqaruvchi tomonidan edi).

    Mazkur qaror 2024-yil 1-yanvardan kuchga kiradi.