- Bosh sahifa
- Yangiliklar
- Bruklinda O‘zbek tili bayrami kuniga bag‘ishlangan adabiy-badiiy kecha tashkil etildi
Bruklinda O‘zbek tili bayrami kuniga bag‘ishlangan adabiy-badiiy kecha tashkil etildi
O‘zbekiston Respublikasi Bosh konsulxonasi tomonidan 21
oktyabr - O‘zbek tili bayrami kuniga bag‘ishlab Nyu-York shahri Bruklin
tumanidagi «Ziyo-Art» o‘zbek tili maktabida o‘quvchilar va «Mahalla USA»
jamiyati faollari ishtirokida adabiy-badiiy tadbir o‘tkazildi, deb xabar
bermoqda «Dunyo» AA muxbiri.
Anjuman davomida o‘zbek milliy taomlari, liboslari, raqslari, musiqasi,
qo‘shiqlari, urf-odatlari taqdimoti hamda ko‘rgazmali chiqishlar bo‘lib o‘tdi. Shuningdek, «ona allasi» sahna ko‘rinishi
ishtirokchilar e’tiboriga taqdim etildi.
Bruklin tumani ko‘psonli o‘zbekistonliklar yashaydigan
hududlardan hisoblanadi. Tadbirning aynan ushbu tumanda tashkillashtirilishi
mazkur hududda istiqomat qilib kelayotgan O‘zbekiston fuqarolarida
vatanparvarlik tuyg‘ularini yuksaltirish hamda o‘zbek tilini AQShda yanada
kengroq targ‘ib etishda muhim ahamiyat kasb etadi.
Kecha ishtirokchilari serqirra o‘zbek milliy urf-odatlari
bilan yaqindan tanishganliklarini hamda tadbirdan o‘zlari uchun ma’naviy ozuqa
olganliklarini ta’kidladi.
Badiiy kechada faol ishtirok etgan ishtirokchilarga «Mahalla
USA» jamiyati va Bosh konsulxona tomonidan ta’sis etilgan esdalik sovg‘alari
topshirildi.
Bruklin tumanida tashkil etilgan O‘zbek tili bayrami kuniga
bag‘ishlangan tadbir mahalliy ommaviy axborot vositalari va ijtimoiy
tarmoqlarda keng yoritildi.
Ma’lumot uchun, AQShda koronavirus bilan bog‘lik
epidemiologik vaziyat munosabati cheklovchi qat’iy karantin choralarini joriy
qilinganligi sababli Bosh konsulxona tomonidan rejalashtirilgan ushbu mavzudagi
navbatdagi tadbir joriy yil 21 oktyabr kuni virtual shaklda o‘tkaziladi.