- Bosh sahifa
- Yangiliklar
- Til - millatning borligidan darak
Til - millatning borligidan darak
Xalqsiz til
bo‘lmaydi, tilsiz xalq bo‘lmaydi. Til - millatning ruhi, ko‘zgusi. Ona tilini asrash, rivojlantirish,
targ‘ib etish barchaning muqaddas vazifasidir.
Joriy yildan boshlab mamlakatimizda
Ona tilimiz, O‘zbek tili bayrami keng miqyosda nishonlanmoqda.
Xususan, 2020-yilning 20-oktyabr
sanasida O‘rmon xo‘jaligi davlat qo‘mitasida "Til - millatning borligidan
darak" mavzusida maʼnaviy-maʼrifiy tadbir bo‘lib o‘tdi.
Unda O‘zbekiston Jahon tillari
universiteti kafedra mudiri, siyosiy fanlar doktori, akademik Nazrulla
Jo‘rayev, tilshunos olim Zuhriddin Isomiddinov, Muqimiy nomidagi
O‘zbekiston davlat musiqali drama teatri aktyori, O‘zbekistonda xizmat
ko‘rsatgan artist Mehmonali Salimovlar ishtirok etishdi.
O‘zbek tiliga davlat tili maqomi
berilishining maʼnaviy, siyosiy, huquqiy jihatlari va uning ahamiyati,
tilimizning boy tarixi, odamlar orasida kitobxonlikning pasayib ketganligi
haqida Nazrulla Jo‘rayev gapirib o‘tdi.
Ona tilimizning nozik jihatlari, nutqimizda
uchraydigan g‘aliz iboralar, tilni asrash muammolari haqida tilshunos olim
Zuhriddin Isomiddinov fikr bildirdi.
Mehmonali Salimov o‘zbek tilida yaratilgan
adabiyotimizning nodir durdonalari, badiiy, musiqiy chiqishlari bilan tadbir
qatnashchilarini xushnud etdi.