- Bosh sahifa
- Yangiliklar
- Xo'jayli tumanida “Davlat tilini rivojlantirish: muammo va yechimlar” mavzusida I dasturiy seminar o‘tkazildi.
Xo'jayli tumanida “Davlat tilini rivojlantirish: muammo va yechimlar” mavzusida I dasturiy seminar o‘tkazildi.
Xalqimizda “Til – millat oynasi”, “Til yashasa, millat yashaydi”, “Til –
millatning bebaho boyligi” degan teran maʼnoli so‘zlar bejiz aytilmagan.
Chunki, har bir xalqning o‘zligini namoyon qilishida, jamiyatning
rivojlanishida til g‘oyat muhim ahamiyatga ega bo‘lib, til – xalqning tarixini,
maʼnaviy qadriyatlarini, madaniy merosini, urf-odat va dasturlarini o‘zida
mujassam etgan bebaho xazinasi hisoblanadi.
Bugungi globallashuv davrida har bir xalq o‘z milliy manfaatlarini
taʼminlash, bu borada avvalo o‘z madaniyatini, azaliy qadriyatlarini, ona
tilini asrab-avaylash va rivojlantirish masalasiga ustuvor ahamiyat qaratishi
tabiiydir.
Bugun yurtimiz «Milliy tiklanishdan — milliy yuksalish sari» degan bosh
tamoyil asosida taraqqiyotning yangi, yanada yuksak bosqichiga ko‘tarilmoqda.
Mamlakatimizda amalga
oshirilayotgan keng ko‘lamli islohotlar jarayonida davlat tilining
hayotimizdagi o‘rni va nufuzi tobora oshib bormoqda.
Shu bois so‘nggi yillarda
Muhtaram Prezidentimiz rahbarligida yurtimizda bugungi davr talabidan kelib
chiqib, ona tilimizning jamiyatdagi o‘rni va nufuzini oshirish bo‘yicha ham
keng ko‘lamli islohotlar olib borilmoqda.
Ayniqsa, o‘tgan yilning
21-oktabr kuni Muhtaram Prezidentimiz tomonidan “O‘zbek tilining davlat tili
sifatidagi nufuzi va mavqeyini tubdan
oshirish chora-tadbirlari to‘g‘risida” Farmonining qabul qilingani, mazkur
Farmonga muvofiq Vazirlar Mahkamasining Davlat tilini rivojlantirish
departamenti tomonidan olib borilayotgan ishlar o‘z samarasini berib, davlat
tilining nufuzini oshirib, faol muloqot quroliga aylanishiga mustahkam asos
yaratmoqda.
Shuningdek, bugungi kunda hududlardagi
rahbarlarning maʼnaviy-maʼrifiy ishlar samaradorligini oshirish, davlat tili to‘g‘risidagi
qonun hujjatlariga rioya etilishini taʼminlash masalalari bo‘yicha
maslahatchilari tomonidan davlat tilini rivojlantirish borasida amalga
oshirilayotgan ishlar ham ko‘zni quvontirmoqda.
Kuni kecha Qoraqalpog‘iston Respublikasi Vazirlar Kengashi
Raisining maslahatchisi P.Dabilovning tashabbusi bilan Xo‘jayli tumanida tuman
hokimligi rahbarligida “Davlat tilini rivojlantirish: muammo va yechimlar”
mavzusida I dasturiy seminari o‘tkazildi.
Tadbirda tuman hokimi J.Yermashev chiqish qilib, davlat tiliga bo‘lgan
eʼtiborning qo‘lga olinishi, uni rivojlantirish – bu islohotlarning ustuvor
yo‘nalishlaridan biri ekanligini taʼkidladi. Amaliy seminarda, davlat tilini
rivojlantirish, bu sohadagi muammolarni yechishning huquqiy mexanizmlarini
ishlab chiqish va hayotga tadbiq etish, shuningdek hozirgi vaqtda bu borada
olib borilayotgan ishlarning samaradorligi bo‘yicha Xo‘jayli tumani namuna
boʻlayotganligi aytib o‘tidi.
Tumanda davlat tilini
rivojlantirish ishlarida jonbozlik ko‘rsatib kelayotgan bir qator faol
insonlarga Xo‘jayli tuman hokimligi tomonidan tayyorlangan “Faxriy yorlig‘i” va
esdalik sovg‘alari topshirildi.
P.Dabilov,
Qoraqalpog‘iston Respublikasi
Vazirlar Kengashi Raisining maslahatchisi