- Bosh sahifa
- Yangiliklar
- Navoiyni har kim, har kuni o‘qishi kerak!
Navoiyni har kim, har kuni o‘qishi kerak!
Bugun ushbu shior ostida O‘zbekiston Respublikasi
Favqulodda vaziyatlar vazirligi tizimida ma'naviy-ma'rifiy mashg‘ulotlar
doirasida Navoiyxonlik tadbirlari bo‘lib o‘tdi.
Jumladan, vazirlik
Markaziy apparatida tashkil qilingan dars soatiga taniqli adabiyotshunos,
professor, “Naqshbandiya” jurnali bosh muharriri, “Mehnat shuhrati” ordeni
sohibi, O‘zbekiston yozuvchilar uyushmasi a'zosi Sultonmurod Olim taklif
etildi. Mashg‘ulotni vazirlik Birlashgan tahririyati bosh
muharriri Azamat Suyunov ochdi va olib bordi.
Ma'ruzachi o‘z so‘zida
ulug‘ shoir va mutafakkir Alisher Navoiy hayoti hamda ijodi, uning davlat, xalq
manfaatlari yo‘lidagi fidoyiligiga alohida to‘xtalib o‘tdi. Shoirning yaratgan asarlari va ularning
hayotiyligi, qimmati asrlar o‘tsa-da o‘z mazmun-mohiyatini yo‘qotmaganligi,
aksincha dunyo xalqlarini ezgu umuminsoniy g‘oyalar sari chorlab turishini
qiziqarli tahlillar, kuzatishlar, hayotiy misollarga tatbiq etgan holda izohlab
berdi.
Mashg‘ulot yakunida Sultonmurod Olim, shoir va jurnalist Azamat
Suyunovlar o‘z she'rlaridan o‘qib berdilar. Tadbir ajoyib mushoira tusini olib,
ishtirokchilarda o‘zgacha taassurot qoldirdi.
fvv.uz saytidan olindi