- Bosh sahifa
- Yangiliklar
- “Oʻzbek ayoli – oʻtmish, nafosat, kelajak ramzi” nomli Respublika fotokoʻrgazmasi tashkil etildi
“Oʻzbek ayoli – oʻtmish, nafosat, kelajak ramzi” nomli Respublika fotokoʻrgazmasi tashkil etildi
Ayol
oilaninggina emas, jamiyatning ham gultoji. Qaysi soha yoki qaysi jabhada
boʻlmasin, ayol bor boʻlsa, albatta u yerdan mehrning, nafosatning hidi keladi.
U ishga hissiyot, taʼlim-tarbiya olishda oʻz tuygʻu va haroratini bagʻishlaydi.
Baxtning nafasi yeladi. Tan olib ayta olamanki, Ayollarmiz, ayniqsa, qizlarimiz
garchi qaldirgʻochday mehribon, burgut kabi chapdast, lochindek uchqur hamda
musichadek beozor boʻla turib, Vatanga sadoqat bilan xizmat qilish uchun bilim
asoslari va amaliyotni egallashda olgʻa qarab intilmoqda. Ular kelajakda oʻz
kasbiy mahoratini puxta egallab, bir nechta xorijiy tillarni oʻzlashtirib,
kompyuter bilan bemalol tillasha oladi, maʼnaviyati yuksak... Sifatlar
roʻyxatini yana davom ettirish mumkin.
Oʻzbekiston
Respublikasi “Oʻzarxiv” agentligi hamda Oʻzbekiston Badiiy akademiyasi
rahbarlari U. Yusupov va A. Nuriddinovlar tashabbusi bilan “Oʻzbek ayoli – oʻtmish, nafosat, kelajak ramzi” nomli Respublika
fotokoʻrgazmasi tashkil etildi. Fotokoʻrgazmaga Oʻzbekiston miliy arxivlari,
davlat arxivlarida saqlanayotgan 1500 dan ortiq fotosuratlar inventerizatsiya
qilinib, eng saralari, eng noyob boʻlgan va sanʼat asari darajasida aks etgan
fotolar tanlab olindi.
Fotokoʻrgazmagan
200 dan ortiq fotosuratlar taqdim etildi.
Fotokoʻrgazmaning
asosiy maqsadi Oʻzbekiston ayollariga boʻlgan hurmat va ehtiromni yanada yuksak
darajaga olib chiqishdan iboratdir.
Koʻrgazmaning
8-mart –xalqaro xotin-qizlar kuni arafasida oʻtkazilayotganligining boisi ham
manashundadir. Koʻrgazmamiz 14-martga qadar davom etadi.
Eʼtibor
bersangiz. Fotokoʻrgazmaning nomi Oʻzbek ayoli deb boshlanadi, bu ramziy
albatta, bu yerda Oʻzbekiston ayollari nazarda tutilgan boʻlib, ularning
oʻtmishi, iztirobi, kechinmalari, faoliyati, mehnati va oilalari aks etirilgan.
Mazkur jarayonni 1917-yilgacha bulgan davr deb – koʻrgazma nomida oʻtmish deb
belgilandi.
Davriylikka
eʼtibor qaratadigan boʻlsak, bunda ayollar turmushining 1917-yilgacha – tarixiy
davr deb belgilangan boʻlib, u davr fotolari kirish qismiga joylangan.
1917-yildan –
1940-yilgacha boʻlgan davrni kirishdan koʻrgazmaning oʻn tomoniga
joylashtirtilgan boʻlib, sharq ayollari, jumladan Markaziy Osiyoda real hayotda
yashagan ayollar tasviri tushirilgan fotolarda ularning turmush tarzi, hayoti,
mehnat faoliyati, qisqacha aytganda quvonchu-tashvishlarini koʻrish mumkin. Bu
davrda sobiq ittifoq tuzilmasining boshlanishidan ikkinchi jahon urishi
davrigacha boʻlgan davr qamrab olindi.
1940-1950-yillar,
1960-70 yillar, 1980-90 yillar, Mustaqillikning ilk davri fotohujjatlari bilan
zalga xronologik tartibda joylashtirildi.
Eng muhimi
1940-yillargacha boʻlgan fotosuratlar ichida chet davlatlarda nufuzli
mukofotlarga, sovrinlarga sazovor boʻlgan fotosuratlar, jamoat va davlat
arboblari, Oʻzbekiston ravnaqiga hissa qoʻshgan mexanizator ayollar, shoiralar,
yozuvchilar, madaniyat va sanʼat sohasi xodimlari bilan bir qatorda oddiy
qishloq ayolining fotolari joylashtirilgan.
Oʻzbek
ayolining nafosatligi ham mana shunda, qayerda mehnat qilmasin oʻzbek ayoli,
avvalambor, oila, millat, vatan beshigini tebratuvchi sifatida eʼtirof etilgan.
Ayollar haqida
gapirganda, yana bir oddiy haqiqatni eslab oʻtish joiz. Axir har qanday Inson –
Onaning farzandi. Hayotga daho farzand yetkazib bergan onani qahramon, buyuk
demay boʻladimi? Hozirgi paytda faol xotin-qizlarimizni davlat va jamoat
tashkilotlarida, siyosiy partiyalarda, ilgʻor tadbirkorlar qatorida, olimu
shoiralar safida istagancha uchratish mumkin. Nazarimda, ayrim sohalarda
ayollar oʻz salohiyatlari, mehnatkashliklari bois erkaklardan ham oʻzib ketdi.
Jamiyatimizda ulkan evrilishlar yuz bergan, raqamli iqtisodiyotning
rivojlanishi boʻy koʻrsatayotgan hozirgi yangi Oʻzbekistonni barpo etish
yoʻlida fidokorona mehnatda aynan ayollarimizning maʼlum bir qatlami zamon
talablariga ayrim erkaklarga qaraganda ham tezroq “labbay” deb javob bermoqda.