O‘zbek tili bayrami munosabati bilan maslahatchilar o‘rtasida ZAKOVAT o‘yini tashkil qilindi

        Bugun Vazirlar Mahkamasining Maʼnaviyat va davlat tilini rivojlantirish masalalari departamenti, Oʻzbek tilini rivojlantirish jamgʻarmasi va Davlat tilida ish yuritish asoslarini oʻqitish va malaka oshirish markazi, Yozuvchilar uyushmasi hamda Zakovat intellektual klubi bilan hamkorlikda maslahatchilar, shoir-yozuvchilar, soha mutaxassislari o'rtasida Zakovat oʻyini bo‘lib o‘tdi.

Jami 12 jamoa ishtirok etgan intellektual o‘yin qizg‘in hamda ko‘tarinki ruhda bo‘lib o‘tdi. Tadbir davomida taklif etilgan san’atkorlar o‘z qo‘shiqlari bilan ishtirok etishdi.

Unda viloyat hokimlari maslahatchilaridan tashkil topgan “Tafakkur” jamoasi 1-o‘rinni qo‘lga kiritdi, 2-o‘rinni vazir va idora raislarning maslahatchilaridan iborat bo‘lgan “Jadidlar”, 3-o‘rinni esa “Abdulhamid Cho‘lpon” jamoalari egalladi.

Faxrli o‘rinlarni qo‘lga kiritgan jamoalar kitoblar bilan taqdirlandi.