- Bosh sahifa
- Yangiliklar
- SURXONDARYODA QONUN IJROSI TAʼMINLANMOQDA
SURXONDARYODA QONUN IJROSI TAʼMINLANMOQDA
Bugun Davlar kadastrlari palatasi Surxondaryo viloyat boshqarmasida Oʻzbekiston Respublikasining "Geografik obyektlarning nomlari toʻgʻrisida"gi Qonun ijrosi doirasida viloyatda geografik obyektlarning nomlari sohasidagi ishlarni tashkil etish, tuman va shaharlarda amalga oshirilayotgan ishlarni oʻrganish maqsadida Respublika ishchi guruhi tomonidan seminar-mashgʻulot tashkil etildi.
Seminarda tarixiy kelib chiqishga ega aholi punktlari nomlari, geografik obyektlarni toʻliq davlat reyestrga kiritish masalalari muhokama qilinib, viloyatdagi 723 ta mahallalarning aniq chegarali, koʻchalari toifalarga ajratilgan sxematik xaritalarini yaratish boʻyicha tushunchalar berildi.
Ishchi guruh tomonidan tuman va shaharlar kesimida
geografik obyektlar roʻyxati, mahallalarning sxematik xaritalari alohida-alohida
koʻrib chiqildi. Mavjud kamchiliklarni bartaraf etish boʻyicha koʻrsatmalar
berildi.